«بالالاردىڭ قۇقىعىن قورعاۋ بويىنشا كەشەندى جۇمىس جۇرگىزىلىپ جاتىر. ول ءۇشىن ءتيىستى جول كارتاسى ۇكىمەتتىڭ قاۋلىسىمەن بەكىتىلدى. سونداي-اق وسى ماسەلەنى جان-جاقتان قاراۋ ءۇشىن وڭىرلەردە ارنايى مونيتورينگ جۇرگىزەتىن توپتار دا قۇرىلدى. وعان قوعام بەلسەندىلەرى, ۇكىمەتتىك ەمەس ۇيىمداردىڭ وكىلدەرى, جۋرناليستەر جانە باسقا دا ازاماتتار قاتىسىپ, دەر كەزىندە وسى ماسەلەلەردى قارايدى», دەدى مينيستر.
ودان بولەك, بالالار ۇيلەرىندە ءتيىستى قامقورشىلىق كەڭەستەرى قۇرىلىپ, ولاردىڭ جۇمىستارى دا جاڭا تارتىپپەن جۇرگىزىلەدى.
«تەكسەرىس وتكىزۋدىڭ جيىلىگىن قايتا قاراستىرۋ بويىنشا ءتيىستى شارالار قابىلدادىق. سوندىقتان تەكسەرىس, الدىن الۋ ماسەلەسى وسى جۇيەمەن جۇرگىزىلەدى», دەپ جاۋاپ بەردى ايماعامبەتوۆ.
وسى سۇراققا بريفينگ بارىسىندا پرەمەر-مينيستر ورىنباسارى ەرالى توعجانوۆ تا جاۋاپ بەردى.
«بۇل – وتە ماڭىزدى سۇراق. سول سەبەپتى ەرەكشە باقىلاۋدا. ۇكىمەت جانىندا كامەلەتكە تولماعاندارعا بايلانىستى ۆەدومستۆوارالىق كوميسسيا بار. بولاشاقتا ونداي جاعدايلاردىڭ بولدىرماۋىنا قاتىستى ناقتى شارالار قابىلدانىپ, ءار ايماققا جىبەرىلەدى», دەپ تولىقتىردى ۇكىمەت مۇشەسى.
