«مەملەكەت باسشىسى ءوزىنىڭ جولداۋىندا الەۋمەتتىك سالاعا, ونى دامىتۋعا قاتىستى بىرقاتار جۇيەلى مىندەتتەردى ناقتىلاپ, بەلگىلەپ بەرگەن ەدى. اتاپ ايتقاندا, ءبىلىم جانە عىلىم سالاسى بويىنشا ءبىرىنشى مىندەت - 1 مىڭ جاڭا مەكتەپ قۇرىلىسى. تاۋەلسىزدىك جىلدارى ەلىمىزدە 1900-گە جۋىق جاڭا مەكتەپ سالىندى. الايدا دەموگرافيالىق ءوسۋ قارقىنىنا بايلانىستى مەكتەپتەر تاپشىلىعى ءالى دە بار. ەگەر دە بۇگىندە ورىن تاپشىلىعى 260 مىڭ بولسا, 2025 جىلعا دەيىن ول شامامەن 4 ەسەگە دەيىن ۇلعايۋى مۇمكىن», دەدى ە. توعجانوۆ.
ونىڭ ايتۋىنشا, بيىل كەمىندە 200-دەن اسا جاڭا مەكتەپ سالىنادى. ناتيجەسىندە, 2025 جىلعا قاراي ورىن تاپشىلىعىن, سونداي-اق اپاتتى جانە ءۇش اۋىسىمدى مەكتەپتەر ماسەلەسى تولىقتاي شەشىلۋى ءتيىس.
