پرەزيدەنت • 27 قىركۇيەك، 2021

مەملەكەت باسشىسى تۇركيا ۇلى ۇلتتىق جينالىسىنىڭ توراعاسىن قابىلدادى

69 رەت كورسەتىلدى

مەملەكەت باسشىسى قاسىم-جومارت توقاەۆ الەمدە قۇبىلمالى جاعداي قالىپتاسسا دا، تۇركىتىلدەس مەملەكەتتەرى ىنتىماقتاستىعىنىڭ وتە ماڭىزدى ەكەنىن اتاپ ءوتتى، دەپ حابارلايدى Egemen.kz.

«الەمدەگى قۇبىلمالى جاعدايدى ەشكىم ءدوپ باسىپ بولجاي الماي وتىر. وسىعان قاراماستان، ءبىزدىڭ ەلدەرىمىز اراسىنداعى قارىم-قاتىناستار ويداعىداي دامىپ كەلەدى. قازاقستان مەن تۇركيا اراسىنداعى قاتىناستار ءوزارا سەنىمگە، دوستىققا نەگىزدەلگەن»، دەدى قازاقستان پرەزيدەنتى قاسىم-جومارت توقاەۆ.

تۇركيانىڭ حالىقارالىق ارەناداعى بەدەلىنىڭ ارتىپ كەلە جاتقانىنا توقتالىپ، باۋىرلاس ەلدىڭ جەتىستىگىنە قۋاناتىنىن جەتكىزدى. سونىمەن قاتار مەملەكەت باسشىسى ەكى ەل اراسىنداعى ىنتىماقتاستىقتىڭ بولاشاعىن جوعارى باعالادى.

مۇستافا شەنتوپ قازاقستانعا جاساعان ساپارى اياسىندا قابىلداعانى ءۇشىن قاسىم-جومارت توقاەۆقا العىس ءبىلدىرىپ، تۇركيا پرەزيدەنتى رەجەپ تايپ ەردوعاننىڭ سالەمىن جەتكىزدى. سونداي-اق ول الەمدىك پاندەمياعا بايلانىستى بەتپە-بەت كەزدەسۋلەردىڭ شەكتەلگەنىنە قاراماستان، ەكى ەلدىڭ قارىم-قاتىناسى جوعارى دەڭگەيدە ەكەنىن اتاپ ءوتتى.

«قاراشا ايىندا ءبىزدىڭ ەلدە وتەتىن تۇركى كەڭەسى ەلدەرىنىڭ سامميتىندە تۇركى الەمىنىڭ بىرلىگى مەن ىنتىماقتاستىعىن ودان ءارى كەڭەيتۋ جونىندە بىرقاتار ماڭىزدى شەشىم قابىلدانادى دەگەن ۇمىتتەمىز. ءوزىڭىزدى سول سامميتتە كۇتەمىز»، دەدى تۇركيا ۇلى ۇلتتىق جينالىسىنىڭ توراعاسى.

 

سوڭعى جاڭالىقتار

ەرلىككە تولى ەڭبەك

قازاقستان • كەشە

شيراز بۇلب ۇلى

ادەبيەت • كەشە

اتا جۇرتتا

ادەبيەت • كەشە

اباي وبلىسىنىڭ اتى وزدى

ايماقتار • كەشە

ۇقساس جاڭالىقتار