26 قىركۇيەك كۇنگى اقپارات بويىنشا, ءبىر تاۋلىكتە قالادا 485 ادام كوروناۆيرۋس جۇقتىرعان. مۇنىڭ ىشىندە سيمپتومدى, جەڭىل جانە ورتاشا دەڭگەيدەگى بەلگىلەرمەن – 432, سيمپتومسىز – 53 ناۋقاس تىركەلدى. بارلىق ەمدەلىپ شىققاندار – 72, كەلىپ تۇسكەنى – 121.
«ينفەكتسيالىق ستاتسيونارلاردا 2 098 ادام بار (توسەك-ورىننىڭ جالپى سانى –5230), ونىڭ ىشىندە 82 بالا ەمدەلۋدە. رەانيماتسيا جانە قارقىندى تەراپيا بولىمىندە 202 ادام جاتىر», دەپ حابارلادى قوعامدىق دەنساۋلىق باسقارماسىنىڭ ءباسپاسوز قىزمەتى.
ال 39 ناۋقاس جاساندى تىنىس الۋ اپپاراتىنا قوسىلعان. ءينۆازيۆتى ەمەس جاساندى تىنىس الۋ اپپاراتىندا 82 ادام ەم قابىلداپ جاتىر.
High flow-دا 55 اپپارات جۇمىس ىستەيدى. مەديتسينالىق-سانيتاريالىق العاشقى كومەك ءموبيلدى بريگادالارىنىڭ جانە تەلەمەديتسينا ورتالىعىنىڭ امبۋلاتوريالىق باقىلاۋىندا 4864 پاتسيەنت بار. ونىڭ ىشىندە ىندەت بەلگىلەرى بار, ورتاشا اۋىر جاعدايدا – 4702 ناۋقاس. 162 ادامدا كوروناۆيرۋس بەلگىلەرى جوق.
