وندا بارشا قازاقستاندىقتاردىڭ جانە جەكە ءوزىنىڭ اتىنان تۇرىكمەنستاننىڭ كوشباسشىسى مەن تۇرىكمەن حالقىن تاۋەلسىزدىكتىڭ 30 جىلدىعىمەن قۇتتىقتاعان.
– بۇل تاريحي داتا ءسىزدىڭ حالقىڭىزدىڭ جالپى ۇلت بولىپ ۇيىسقانىن جانە جاسامپازدىق رۋحىنىڭ بيىك ەكەنىن كورسەتەدى. تۇرىكمەنستاننىڭ مەملەكەتتىلىگى مەن ورنىقتىلىعىن ودان ءارى نىعايتۋدا مۇنىڭ ءمانى زور. ءسىزدىڭ كورەگەن باسشىلىعىڭىزدىڭ ارقاسىندا زاماناۋي تۇرىكمەنستان بەيتاراپ مەملەكەت رەتىندە الەۋمەتتىك-ەكونوميكالىق جاڭعىرۋ جانە حالىقارالىق ارەناداعى ورنىن نىعايتۋ تۇرعىسىنان زور جەتىستىكتەرگە قول جەتكىزدى, – دەلىنگەن جەدەلحاتتا.
سونىمەن قاتار قاسىم-جومارت توقاەۆ وسى جىلدار ىشىندە قازاق-تۇرىكمەن ستراتەگيالىق سەرىكتەستىگى كوپ عاسىرلىق دوستىق, تاتۋ كورشىلىك جانە ءوزارا قولداۋ رۋحىندا دامىپ كەلە جاتقانىن اتاپ ءوتتى.
– وسىناۋ اتاۋلى مەرەكە كۇنى ءسىزدىڭ اسا جاۋاپتى مەملەكەتتىك قىزمەتىڭىزگە تابىس تىلەيمىن جانە باۋىرلاس تۇرىكمەنستان حالقىنىڭ ءوسىپ-وركەندەي بەرۋىنە نيەتتەستىك بىلدىرەمىن, – دەپ جازىلعان جەدەلحاتتا.
