2019 جىلى تاۋار اينالىمى - 8,6 ملن اقش دوللار, 2020 جىلى 4,2 ملن اقش دوللار بولدى. ال 2021 جىلعى قاڭتار-شىلدەدە ءوزارا ساۋدا 4,0 ملن دوللاردى قۇرادى, بۇل وتكەن جىلدىڭ ۇقساس كەزەڭىمەن سالىستىرعاندا 36,5%-عا جوعارى (3,0 ملن. اقش دولل).
بۇل رەتتە قازاقستاننىڭ ساۋد ارابياسىنا ەكسپورتى 2021 جىلعى قاڭتار-شىلدەدە 2,3 ەسەگە ءوسىپ, 1,6 ملن اقش دوللارىن قۇرادى.
قازاقستان ساك نارىعىنا فەرروقورىتپا, جەڭىل ونەركاسىپ ونىمدەرى (ەرلەر, ايەلدەر جانە بالالار توقىما جانە تريكوتاج كيىمدەرى), قۇبىرجولدارعا ارنالعان ارماتۋرا, قارا مەتالدان جاسالعان بۇيىم, گەودەزيالىق جانە توپوگرافيالىق اسپاپ پەن قۇرال جانە ت.ب. جەتكىزەدى. ال يمپورت رەتىندە سۇيىقتىقتاردى نەمەسە ۇنتاقتاردى شاشۋعا نەمەسە توزاڭداتۋعا ارنالعان مەحانيكالىق قۇرىلعىلاردى, جاڭا پىسكەن جانە كەپتىرىلگەن جەمىستەردى (قۇرما, ءىنجىر, اناناس, اۆوكادو, گۋاياۆا, مانگو), دارىلىك زاتتاردى, ەتيلەن پوليمەرلەرىن جانە ت.ب. الادى.
قازاقستان-ساۋد ارابياسى ۇكىمەتارالىق كوميسسياسىنىڭ 5-ءشى وتىرىسىندا ءوزارا ساۋدانى كەڭەيتۋدىڭ ەلەۋلى الەۋەتى اتاپ ءوتىلدى. وعان قازاقستان تاراپىنان تەڭ توراعا قر ساۋدا جانە ينتەگراتسيا ءمينيسترى باقىت سۇلتانوۆ, ساۋد تاراپىنان ساك ينۆەستيتسيالار ءمينيسترى حاليد ابدۋلازيز ءال-فاليح قاتىستى.
«ساۋدا-ەكونوميكا جانە ينۆەستيتسيا سالالارىندا ىنتىماقتاستىق ءۇشىن اشىلماعان ۇلكەن الەۋەت بار. بىزگە نەعۇرلىم پەرسپەكتيۆالى باعىتتار: اۋىل شارۋاشىلىعى, ەنەرگەتيكا, مۇناي-حيميا, اتوم ونەركاسىبى, تۋريزم جانە ينۆەستيتسيالار بويىنشا ءوزارا ءىس-قيمىلدى كۇشەيتۋ قاجەت», دەپ مالىمدەدى باقىت سۇلتانوۆ جيىندا.
