جيىنعا اۋىل شارۋاشىلىعى سالاسىنىڭ ماماندارى, ارداگەرلەرى, شارۋا قوجالىق يەلەرى مەن جەرگىلىكتى اتقارۋشى ورگان وكىلدەرى قاتىستى. بۇل تۋرالى ماڭعىستاۋ وبلىسى اكىمىنىڭ ءباسپاسوز قىزمەتى حابارلادى.
كەزدەسۋدە جەم-ءشوپ دايىنداۋ, مال جايىلىمىنا جەر بەرۋ, قۇدىق قازۋ سىندى بىرقاتار ماسەلە قارالدى. ايماق باسشىسى بەلسەندىلىك تانىتقان ازاماتتارعا العىس ايتىپ, جاۋاپتى تۇلعالارعا اۋىل شارۋاشىلىعى سالاسىن جاقسارتۋعا ارنالعان ۇسىنىستاردى زەردەلەۋدى تاپسىردى.
سونداي-اق ماڭعىستاۋ وبلىسى اكىمدىگى مال سۋارۋعا قاجەتتى قۇدىق قازۋعا ارنالعان سۋبسيديانىڭ كولەمىن ۇلعايتۋ مۇمكىندىگىن قاراستىرىپ جاتقانىن ايتتى.
ء«تورت ت ۇلىك ءۇشىن سۋدىڭ اسا ماڭىزدى تىرشىلىك كوزى ەكەنىن بارلىعىمىز بىلەمىز. مەملەكەت باسشىسى ماڭعىستاۋ وبلىسىنا كەلگەن ساپارىندا ۇكىمەتكە قۇدىق قازۋعا بەرىلەتىن سۋبسيديا كولەمىن 50-دەن 80 پروتسەنتكە دەيىن ارتتىرۋدى تاپسىردى. بۇدان بولەك, قازىر ءبىز قۇدىق قازۋعا جۇمسالاتىن شىعىنداردى تاعى 10% جەرگىلىكتى بيۋدجەتتەن سۋبسيديالاۋدى قاراستىرىپ جاتىرمىز. ناتيجەسىندە سۋبسيديانى 90%-عا دەيىن ۇلعايتقىمىز كەلەدى. ماسەلە مۇقيات زەردەلەنىپ, وڭ شەشىمىن تاپسا, وبلىستىق ماسليحاتقا ۇسىناتىن بولامىز», دەدى ءوڭىر باسشىسى.
نۇرلان نوعاەۆ اۋىل شارۋاشىلىعىن دامىتۋ مەن مال باعۋدا ءتيىمدى تاسىلدەردى قولدانۋعا شاقىردى.
«بيىلعى قۋاڭشىلىق وبلىستاعى بارلىق مال يەسىنىڭ باسىنا تۇسكەن ورتاق قيىنشىلىق, ورتاق سىناق بولدى. ءبىز بۇل تىعىرىقتان بىرلەسكەن جۇيەلى جۇمىستىڭ ارقاسىندا عانا شىعا الامىز. سالا ارداگەرلەرىنىڭ تاجىريبەسى مەن كەڭەسى وتە ماڭىزدى, ونى مىندەتتى تۇردە پايدالانامىز. سونداي-اق مال شارۋاشىلىعىمەن اينالىسقىسى كەلەتىن ءار شارۋا ءوز مۇمكىندىگىن ەسكەرگەنى دۇرىس. تابيعي جانە كليماتتىق جاعدايلار بار, جەم-ءشوپ بازاسى بولۋ كەرەك, مالدى باعۋ قاجەت دەگەندەي. مەملەكەتتىك ورگاندار زاڭ شەڭبەرىندە بارىنشا كومەكتەسەدى, بىراق ءاربىر ازاماتتىڭ مالى ءۇشىن جاۋاپ بەرمەيدى. اۋىل شارۋاشىلىعىن ناتيجەلى جۇرگىزۋ ءۇشىن جۇيەلى جۇمىس ىستەۋ كەرەك», دەدى وبلىس اكىمى.
