قوعام • 27 قىركۇيەك، 2021

ەتنومەدياتسيا نەگىزدەرى ءتۇسىندىرىلدى

106 رەت كورسەتىلدى

قولدانبالى ەتنوساياسي زەرتتەۋلەر ينستيتۋتىنىڭ مۇرىندىق بولۋىمەن تاراز قالاسىنداعى دوستىق ۇيىندە «ەتنوساياسي ساۋات­تىلىق جانە ەتنومەدياتسيا نەگىزدەرى» تاقىرىبىندا ەكى كۇن­دىك سەمينار-ترەنينگ ءوتتى. ءىس-شاراعا الماتى، جامبىل جانە تۇركىس­تان وبلىستارى جەرگىلىكتى پوليتسيا ورگاندارى، پروكۋراتۋرا وكىلدەرى مەن ىشكى ساياسات بولىمدەرىنىڭ قىزمەتكەرلەرى قاتىستى.

سەميناردا اقپارات جانە قو­عام­دىق دامۋ مينيسترلىگى ەتنوسارالىق قاتى­ناستاردى دامىتۋ كوميتەتى تور­اعاسىنىڭ ورىنباسارى ايبەك جاق­سىباەۆ، ينستيتۋت ديرەكتورى تالعات قا­ليەۆ، سونداي-اق ينستيتۋتتىڭ جەتەك­شى ساراپشىلارى ءسوز سويلەپ، ءتار­تىپ ساقشىلارى، پروكۋرورلار مەن اكىم­دىك وكىلدەرىمەن بىرگە ەتنوساياسي ساۋات­تىلىقتى ارتتىرۋ ماسەلەسى توڭىرەگىندە وي ءبولىستى. ترەنينگ كەزىندە ۇلتارالىق قاتىناستاردىڭ ەرەكشەلىكتەرى مەن قاقتىعىستار تۋىنداعان جاعدايدا اقپاراتتى قالاي بەرۋ قاجەت، ۇلتارالىق ارازدىقتى بولدىرماۋدىڭ جولدارى قانداي دەگەن سۇراقتار تالقىلانىپ، ناقتى كەيستەرگە تالداۋ جاسالدى.

ەتنوساياسي ساۋاتتىلىقتى ارتتىرۋ، ەتنوسارالىق قاتىناستار سالا­سى­نىڭ ەرەكشەلىكتەرىن جانە وقيعانىڭ قاتە ين­تەرپرەتاتسياسىنىڭ سالدارى جان-جاقتى تۇسىندىرىلگەن باسقوسۋ بارى­سىندا «كونفليكتولوگيا جانە ەتنومەدياتسيانىڭ نەگىزدەرى»، «اقپا­راتتىق جانە مەديالىق ساۋاتتى­لىق. اقپا­راتتىق كەڭىستىكتەگى ەتنوسارا­لىق قاتى­ناستار»، «قازاقستاننىڭ ەتنوستىق توپتارى اراسىنداعى ءوزارا قارىم-قا­تى­ناستىڭ الەۋمەتتىك-پسي­حولوگيالىق ەرەك­شەلىكتەرى. جان­جالدىڭ اقپاراتتىق كومپونەنتى. الاۋىزدىق ءتىلى. جانجالدىڭ دەكلا­راتيۆتى كەزەڭىندەگى بەينورماتيۆ­تى ەتنونيمدەرى»، «قوعامدىق ريتوريكا داع­دىلارى» تاقىرىپتارىنا ارنالعان دا­رىستەر توپتاماسى ۇسىنىلدى.

سەمينار سوڭىندا قاتىسۋشىلارعا العان بىلىمدەرى مەن داعدىلارىن بەكىتۋ ءۇشىن قولدانبالى ەتنوساياسي زەرتتەۋلەر ينستيتۋتىنىڭ ساراپشىلارى تاجى­ريبەلىك ساباقتار وتكىزىپ، بىلىكتى ماماندار قۇقىق قورعاۋ ورگاندارى مەن ىشكى ساياسات بولىمدەرىنىڭ وكىلدەرىنە ەتنومەدياتسيا داعدىلارىن ۇيرەتۋگە باعىت­تالعان ترەنينگتەر ۇيىمداستىردى. ينستيتۋت ماماندارى مۇنداي سەمينارلاردى الداعى ۋاقىتتا ەلىمىزدىڭ باسقا دا وڭىرلەرىندە وتكىزۋدى جوسپارلاپ وتىر.

 

سوڭعى جاڭالىقتار

اۋەزوۆ جانە تۇركى الەمى

رۋحانيات • كەشە

يدەولوگيا

رۋحانيات • كەشە

مەيىرىم مەن قاتىگەزدىك

رۋحانيات • كەشە

ەسكى مەن جاڭا اراسى

رۋحانيات • كەشە

بي پاديشاسى

رۋحانيات • كەشە

ساپا قايتسە جاقسارادى؟

قازاقستان • كەشە

قايىرىمدىلىقتىڭ ۇلگىسى

قازاقستان • كەشە

ساق ءداۋىرىنىڭ تاسى

تانىم • كەشە

ۇقساس جاڭالىقتار