سپورت • 26 قىركۇيەك، 2021

Astana Open ءتۋرنيرى اياقتالدى

70 رەت كورسەتىلدى

نۇر-سۇلتاندا وتكەن جۇلدە قورى 480 000 اقش دوللارىن قۇراعان ATP Tour سەرياسىنداعى Astana Open ءتۋرنيرى ءوز مارەسىنە جەتتى. بۇل جارىستىڭ باس جۇلدەسى ءۇشىن اۋستراليالىق دجەيمس داكۆورت پەن كورەيالىق كۆون سون ۆۋ تالاستى. اقتىق سايىس تىم كەش اياقتالعاندىقتان، ونىڭ ناتيجەسى جايىندا گازەتىمىزدىڭ كەلەسى سانىندا باياندايتىن بولامىز.

ايتۋلى جارىستىڭ جەكەلەگەن سايىسىندا ءتورت جەرلەسىمىز باق سىناعان ەدى. العاشقى اينالىمدا ەكەۋى جەڭىلىس تاپتى. دميتري پوپكو اۋستراليالىق دجون ميللماننان ۇتىلدى – 6:3، 1:6، 4:6. ميحايل كۋكۋشكين جاسىل قۇرلىقتىڭ تاعى ءبىر وكىلى دجەيمس داكۆوردقا جول بەردى – 6:7، 1:6. 20 جاستاعى تيموفەي سكا­توۆ تۇساۋكەسەر كەزدەسۋىندە الەمنىڭ بۇرىنعى 18-راكەت­كاسى، يتاليالىق اندرەاس سەپپيدى جەڭىپ، شاعىن سەنساتسيا جاسادى. الايدا ىلە-شالا ول بەلارۋستىك يليا يۆشاكوعا ەسە جىبەردى – 2:6، 6:3.

اتر رەيتينگىندە 34-ورىندا تۇرعان ەلىمىزدىڭ ءبىرىنشى راكەتكاسى الەكساندر بۋبليك وسى تۋرنيردەگى سوڭعى ءۇمىتىمىز ەدى. العاشقى اينالىمدا ول بوس بولدى. ودان كەيىن وتانداسىمىز ميومير كەتسمانوۆيچپەن كەزدەستى. 22 جاستاعى سەربيانىڭ سايىپقىرانى بۇل كۇندەرى ۇزدىكتەر تىزىمىندە 60-ساتىعا جايعاسقان. ونىڭ ۇستىنە، كەتسمانوۆيچ ءبىرىنشى كەزەڭدە يسپانيانىڭ داڭقتى تەننيسشىسى فەرناندو ۆەرداسكونى ۇتىپ، ايدى اسپانعا ءبىر-اق شىعارعان بولاتىن. بىراق بۇل باسەكەدە ءبىزدىڭ جىگىتتىڭ مىقتىلىعى ەش كۇمان تۋعىزعان جوق. شيرەك فينالدا بۋبليك پيرەنەي تۇبەگىنەن كەلگەن كارلوس تابەرنەردى تىزە بۇكتىردى – 6:3، 6:4. جارتىلاي فينالدا ول وڭتۇستىك كورەيانىڭ وكىلى كۆون سون ۆۋمەن شەبەرلىك بايقاستى. قازىرگى كەزدە الەمنىڭ 80-راكەتكاسى اتانىپ وتىرعان كورەيالىق ويىنشى بيىل رولان گارروستىڭ ءۇشىنشى كەزەڭىنە دەيىن جەتكەن ەدى. بۇل تارتىستا ۆۋ بۋبليكتەن باسىم ءتۇستى – 3:6، 7:5، 6:3. 

جۇپتىق سايىستا دا جەرلەستەرىمىزدىڭ جولى بولمادى. اندرەي گولۋبەۆ پەن الەكساندر نەدوۆەسوۆ فرانتسيا ويىنشىلارى بەندجامين بونزي مەن رومەنا ارنەودودان ۇتىلىپ قالدى – 4:6، 6:4، 6:7.

ەستەرىڭىزگە سالا كەتەيىك، Astana Open تۋر­نيرىندە ەسىمدەرى جوعارىدا اتالعان سپورتشىلاردان بولەك، يسپانيالىق فەرناندو ۆەرداسكو، رەسەيلىك اسلان كاراتسەۆ پەن ەۆگەني دونسكوي، فرانتسيالىق بەنۋا پەر، سەربيالىق دۋشان لايوۆيچ جانە چەحيالىق يرجي ۆەسەلى سىندى تانىمال تەننيسشىلەر ونەر كورسەتتى.

سوڭعى جاڭالىقتار

6 ءوڭىر «جاسىل» ايماقتا تۇر

كوروناۆيرۋس • بۇگىن، 09:20

ۇقساس جاڭالىقتار