وقيعا • 26 قىركۇيەك، 2021

ۇلىبريتانيادا تانىستىرىلادى

129 رەت كورسەتىلدى

قازاقستان رەسپۋبليكاسى تاۋەلسىزدىگىنىڭ 30 جىلدىعى اياسىندا شىعىس قازاقستان وبلىسى اكىمدىگىنىڭ ۇيىمداستىرۋىمەن ۇلىبريتانيانىڭ كەمبريدج ۋنيۆەرسيتەتىنىڭ Fitzwilliam مۋزەيىندە « ۇلى دالا التىنى» اتتى حالىقارالىق كورمە اشىلماقشى.

بۇل شارا 28 قىركۇيەك كۇنى وتەدى دەپ جوسپارلانۋدا. كور­مەنىڭ ماقساتى – حالىقارالىق قا­ۋىم­داستىقتى قازاقستاننىڭ كوپ عاسىرلىق تاريحى مەن باي مادەنيەتى، رەسپۋبليكا عالىمدارىنىڭ عىلىمي ىزدەنىستەرىنىڭ جاڭا ناتيجەلەرىمەن تانىستىرۋعا مۇمكىندىك بەرۋ.

وسى ورايدا، اعىلشىندىق كورەر­مەندەرگە قازاقستان ارحەو­لوگياسىنىڭ زور جەتىستىگى Gold of Kazakhstan ەكسپوزيتسياسى كورسەتىلەدى. مۇندا بەرەل قورعاندارىنان تابىلعان سۇيەك، كيىز جانە ماتادان جاسالعان جىل­قى ابزەلدەرى كورەرمەن نازارىنا ۇسى­نىلادى.

«تانىمال ارحەولوگ زەينوللا ساماشەۆ 1998 جىلى قورعاننىڭ «پاتشالىق وبا» كەزەڭىن زەرتتەۋ بارىسىندا №11 نىساننان التىنمەن اپتالعان 13 تۇلپار مەن سول زاماننىڭ كوسەمى – بەكزادا مەن ايەلدىڭ سۇيەگىن تاپقان بولاتىن. «بەرەل جىلقىلارى» دەگەن اتاۋمەن بەلگىلى بۇل جانۋارلار تاريحىمىزدىڭ جاۋھار بىرەگەي جادىگەرىنە اينالعان. سونداي-اق ەرەكشە قۇرىلىم مەن جەرلەۋ ءراسىمى №36 وبادا تىركەلگەن بولاتىن. باسقا جەردە كەزدەسپەيتىن سۇيەكتەن جاسالعان بۇلان سيپاتتى جىلقى اشەكەيى. بۇل اشەكەيدىڭ قۇندىلىعى دا التىنمەن بىردەي. مۇنداي ۇلگىلەر التاي ءوڭىرىنىڭ باسقا جەرلەرىندە كەزدەسپەيدى»، دەيدى «بەرەل» مەملەكەتتىك تاريحي-مادەني قورىق-مۋزەيى ديرەكتورىنىڭ مىندەتىن اتقارۋشى الماس سارباسوۆ.

سوڭعى جاڭالىقتار

6 ءوڭىر «جاسىل» ايماقتا تۇر

كوروناۆيرۋس • كەشە

دەپۋتاتتى پىشاقتاپ كەتتى

الەم • 15 قازان، 2021

شەتەلدىك ۆاكتسينالار اقىلى بولادى

كوروناۆيرۋس • 15 قازان، 2021

ۇقساس جاڭالىقتار