فينالدا الەمنىڭ 65-راكەتكاسى, اۋستراليالىق دجەيمس داكۆورت پەن دۇنيەجۇزىلىك رەيتينگتە 82-ورىندا تۇرعان وڭتۇستىككورەيالىق كۆون سۋن ۆۋ باس جۇلدە ءۇشىن تالاسقا ءتۇستى. وڭتۇستىككورەيالىق تەننيسشى ءوزىنىڭ قارسىلاسىن 7:6 (8:6), 6:3 ەسەبىمەن جەڭدى.
ءوز سپورتتىق جولىندا ايتۋلى تابىسىنا قول جەتكىزگەن كۆون سۋن ۆۋ باسەكە بارىسىندا 4 ەيس جاساپ, 6 برەيك-پوينتتتىڭ ەكەۋىن ءمۇلت جىبەرگەن جوق. قارسىلاسى 10 ەيس جاساعانىمەن, 1 برەيكپەن شەكتەلدى.
جۇپتىق سىندا جارىستىڭ 1-راكەتكالارى, مەكسيكالىق سانتياگو گونسالەس پەن ارگەنتينالىق اندرەاس مولتەني جەڭىمپاز اتاندى. ولار سوڭعى باسەكەدە يزرايل وكىلى يوناتان ەرليح پەن بەلورۋسسيالىق اندرەي ۆاسيلەۆسكيدى 6:1, 6:2 ەسەبىمەن تالقاندادى.
