ءىس-شاراعا قر اقدم ازاماتتىق قوعام ىستەرى كوميتەتىنىڭ توراعاسى ماديار قوجاحمەت قاتىستى. ول قر اقپارات جانە قوعامدىق دامۋ مينيسترلىگى ازاماتتىق قوعام وكىلدەرىمەن بىرلەسىپ, كوممەرتسيالىق ەمەس ۇيىمدار قىزمەتىنىڭ قۇقىقتىق رەتتەۋ ماسەلەلەرى بويىنشا زاڭنامانى جەتىلدىرۋدى رەتتەۋ ساياساتىنىڭ كونسۋلتاتيۆتىك قۇجاتىن ازىرلەپ جاتقانىن اتاپ ءوتتى.
بۇل جۇمىس مەملەكەت باسشىسىنىڭ تاپسىرمالارىن ورىنداۋ اياسىندا جۇرگىزىلىپ جاتقانىن اتاپ ءوتتى.
كوممەرتسيالىق ەمەس ۇيىمدار تۋرالى زاڭنامانى, اتاپ ايتقاندا تۇجىرىمدامالىق اپپاراتقا, ۇيىمدىق-قۇقىقتىق نىساندارعا, مەملەكەتتىك تىركەۋگە, سالىق سالۋعا, ۇكىمەتپەن ءوزارا ءىس-قيمىل مەحانيزمدەرىنە قاتىستى ماسەلەلەردى جەتىلدىرۋ ۇسىنىلادى.
قازىرگى ۋاقىتتا زاڭ جوباسى زاڭ شىعارۋ جۇمىسىنىڭ 2026 جىلعا دەيىنگى تۇجىرىمدامالىق جوسپارىنا ەنگىزىلدى (قر پارلامەنتىنىڭ جەتىنشى شاقىرىلىمى). زاڭ 2023 جىلدىڭ ءبىرىنشى جارتىجىلدىعىندا قابىلدانباق.
قاتىسۋشىلار اتالعان قۇجات بويىنشا ويلارىمەن ءبولىسىپ, كوممەرتسيالىق ەمەس ۇيىمدارعا قاتىستى رەتتەۋشى ساياساتتىڭ كونسۋلتاتيۆتىك قۇجاتىنىڭ جوباسىن جەتىلدىرۋىنە قاتىستى ءوز ۇسىنىمدارىن بەردى.
