قوعام • 24 قىركۇيەك، 2021

35 ادام باس سانيتار دارىگەردى سوتقا بەردى

686 رەت كورسەتىلدى

نۇر-سۇلتان قالاسىنىڭ اكىمشىلىك سوتىنا 35 ادام ارىزداندى. بارلىعى باس مەملەكەتتىك سانيتار دارىگەردىڭ قاۋلىسىندا كورسەتىلگەن تالاپتاردى زاڭسىز دەپ تانۋدى تالاپ ەتكەن، دەپ حابارلايدى Egemen.kz.

سوت ماتەريالدارىنا سايكەس، ارىزدانۋشىلار ۆاكتسينا الماعان جۇمىسكەرلەر ءۇشىن مىندەتتى پتر-تەست ەنگىزۋ، پروفيلاكتيكالىق ەكپە جاساۋ، سونداي-اق ۆاكتسينا سالدىرماعانداردى جۇمىسقا كىرگىزبەۋ سياقتى تارماقتاردى زاڭسىز دەپ سانايدى.

«قاۋلى كونستيتۋتسيالىق نورمالاردى بۇزادى، ومىرگە قاۋىپ توندىرەدى جانە دەنساۋلىققا زيان كەلتىرەدى، ادامداردىڭ ەڭبەك ەتۋ قۇقىعىن بۇزادى. COVID-19 ۆاكتسيناسى تەكسەرىلمەگەن»، دەيدى ولار.

اكىمشىلىك سوت باس مەملەكەتتىك سانيتار دارىگەر شىعارعان قاۋلىلاردىڭ ءبىر بولىگىن زاڭسىز دەپ تانۋ جانە كۇشىن جويۋ تۋرالى شاعىمدى قاناعاتتاندىرۋدان باس تارتتى.

«سوت قاۋلىلاردى شىعارۋ كەزىندە زاڭناما نورمالارىنىڭ بۇزىلۋىن انىقتاعان جوق. ازاماتتاردىڭ ەڭبەك قۇقىقتارى بۇزىلماعان، ويتكەنى COVID-19-عا قارسى ۆاكتسينالانباعان جۇمىسكەر كەپىلدەندىرىلگەن ەڭبەك قۇقىقتارىن ساقتايدى، ەڭبەك فۋنكتسيالارىن قاشىقتان جۇزەگە اسىرۋعا رۇقسات ەتىلەدى. ول ءۇشىن قاجەتتى جاعدايلار جاسالۋدا»، دەلىنگەن سوت ۇكىمىندە.

سۋديانىڭ ايتۋىنشا، قاۋلىلاردىڭ داۋلى تارماقتارى ۆاكتسينالاۋدى ۇيىمداستىرۋ ماسەلەسىن رەگلامەنتتەيدى. ونى ۆاكتسينالاۋدى مىندەتتەۋ دەپ قابىلداۋعا بولمايدى. ال قازاقستان رەسپۋبليكاسىنىڭ فارماتسەۆتيكالىق نارىعىنا قانداي دا ءبىر ۆاكتسينانى كىرگىزۋ پرەپاراتتىڭ قويىلاتىن تالاپتارعا سايكەستىگىن بىلدىرەدى.

انىقتالعان ءمان-جايلاردىڭ ءبارىن، جالپى الەمدىك ينفەكتسيامەن كۇرەسۋگە باعىتتالعان شارالاردى قابىلداۋدىڭ قاجەتتىلىگىن ەسكەرە كەلىپ، سوت باس سانيتار دارىگەردىڭ قاۋلىلارىن زاڭسىز دەۋگە نەگىز جوق دەپ تاپتى، دەدى سۋديا.

سوڭعى جاڭالىقتار

جانى جايساڭ جاز-اتا

قوعام • كەشە

دۇبىردەن تۋعان ولەڭ

ادەبيەت • كەشە

ۇقساس جاڭالىقتار