كوروناۆيرۋس • 24 قىركۇيەك، 2021

اقتوبە وبلىسىندا 500-گە جۋىق بالادان كوروناۆيرۋس انىقتالدى

28 رەت كورسەتىلدى

اقتوبە وبلىسىندا 51 جۇكتى ايەل كوروناۆيرۋس ينفەكتسياسىنا شالدىعۋىنا بايلانىستى اۋرۋحانالاردا ەم الىپ جاتىر. بۇل تۋرالى اقتوبە وبلىسى اكىمىنىڭ ءبىرىنشى ورىنباسارى رۋسلان حامباروۆ ايتتى، دەپ حابارلايدى Egemen.kz.

«وسى جىلدىڭ 24 قىركۇيەگىندەگى مالىمەتكە سايكەس، وتكەن تاۋلىكتە كۆي-ءدىڭ 137، ونىڭ ىشىندە وكپە قابىنۋىنىڭ 9 جاعدايى انىقتالدى. جالپى، پاندەميا باستالعاننان بەرى وبلىستا 32 130 رەسمي راستالعان جاعداي تىركەلدى. ونىڭ ىشىندە وكپە قابىنۋى – 3 447. بۇگىندە 29 605 ناۋقاس جازىلىپ شىقتى.

وكىنىشكە قاراي، پاندەميا باستالعاننان بەرى 529 ادام قايتىس بولدى. قازىرگى تاڭدا ينفەكتسيالىق اۋرۋحانالاردا 658 ادام، ونىڭ ىشىندە جانساقتاۋ بولىمشەسىندە 84 ناۋقاس ەم الۋدا. كارانتيندىك ستانتسيوناردا 4 ادام جاتىر. بۇگىندە اۋرۋحانالاردا ەم الىپ جاتقان جۇكتى ايەلدەر سانى – 51. ونىڭ ىشىندە رەانيماتسيادا 9 ادام بار. سونىمەن قاتار 62 جۇكتى ايەل ۇيدەن ەمدەلۋدە»، دەدى ول ورتالىق كوممۋنيكاتسيالار قىزمەتىندەگى بريفينگ بارىسىندا.

ءوڭىر باسشىسى ءبىرىنشى ورىنباسارىنىڭ دەرەگىنشە، 2021 جىلدىڭ 1-23 قىركۇيەگى ارالىعىندا وبلىس بويىنشا مەكتەپ جاسىنداعى بالالار اراسىندا كوروناۆيرۋس ينفەكتسياسىنىڭ 489 جاعدايى تىركەلگەن. ونىڭ ىشىندە اقتوبە قالاسىندا - 362، وبلىس اۋداندارىندا 127 بالا اۋىرىپ جاتىر.

«بۇگىنگى تاڭدا كوروناۆيرۋس ينفەكتسياسى انىقتالعان 123 مەكتەپتە 473 سىنىپ قاشىقتان وقۋ فورماتىنا كوشىرىلىپ، ءۇي كارانتينىنە وقشاۋلاندى. وبلىستا كارانتينگە جابىلعان اۋىسىمدار مەن مەكتەپتەر جوق. وسى جىلدىڭ 1-23 قىركۇيەگى ارالىعىندا پەداگوگتار اراسىندا كۆي-ءدىڭ 53 جاعدايى تىركەلدى. وبلىستا مۇعالىمدەر مەن وقۋشىلار اراسىندا كۆي بويىنشا كۇندەلىكتى مونيتورينگ جۇرگىزىلەدى. سونىمەن بىرگە بارلىق ءبىلىم بەرۋ نىساندارىندا سانيتارلىق نورمالاردى ساقتاۋ بويىنشا قاتاڭ تالاپ ساقتالادى»، دەدى رۋسلان حامباروۆ.

سوڭعى جاڭالىقتار

جانى جايساڭ جاز-اتا

قوعام • كەشە

دۇبىردەن تۋعان ولەڭ

ادەبيەت • كەشە

ۇقساس جاڭالىقتار