قوعام • 24 قىركۇيەك، 2021

بجزق حالىقتان 246 ميلليارد تەڭگەدەن استام قاراجاتىن قايتارىپ الدى

18 رەت كورسەتىلدى

بۇگىنگى كۇنگە دەيىن زەينەتاقى جيناعىن تۇرعىن ءۇي جاعدايىن جاقسارتۋ ءۇشىن پايدالانعىسى كەلگەندەردىڭ 438 834 وتىنىشى قاناعاتتاندىرىلدى. بجزق قازاقستاندىقتاردىڭ ارنايى شوتىنا 1،8 ترلن تەڭگەدەن استام قارجى اۋداردى. بىرجولعى زەينەتاقى تولەمدەرىنىڭ ورتاشا سوماسى – 4،2 ملن تەڭگە، دەپ جازادى Egemen.kz.

ورىندالعان وتىنىشتەردىڭ ەڭ كوبى الماتى قالاسىنىڭ (16،9%)، ماڭعىستاۋ وبلىسىنىڭ (14،0%)، نۇر-سۇلتان قالاسىنىڭ (12،9%) تۇرعىندارى تاراپىنان جولدانعان. بجزق سايتىنداعى «كورسەتكىشتەر» بولىمىندە سالىمشىلاردىڭ بىرجولعى زەينەتاقى تولەمدەرىن قانداي ماقساتتارعا پايدالانۋدى جوسپارلايتىنى تۋرالى ەگجەي-تەگجەيلى اقپارات ورنالاستىرىلعان. 

قازىرگى ۋاقىتتا زەينەتاقى جيناقتارىنىڭ ءبىر بولىگىن پايدالانۋعا ءوتىنىشتى «وتباسى بانكى» تۇرعىن ءۇي قۇرىلىس جيناق بانكى» اق، «قازاقستان حالىق بانكى» اق، «Altyn Bank» اق، «بانك تسەنتركرەديت» اق جانە «بانك فريدوم فينانس كازاحستان» اق قابىلدايدى.

بىرجولعى زەينەتاقى تولەمى «وتباسى بانكىندە» اشىلعان ارنايى شوتقا تۇسكەننەن كەيىن الۋشى ونى الۋداعى ماقساتىن راستايتىن قۇجاتتاردى بەلگىلەنگەن مەرزىمدە ۇسىنۋى ءتيىس. كەشىكتىرىلگەن جاعدايدا،  قاراجات بجزق-عا قايتارىلادى. 

ايتا كەتەيىك، وسى ۋاقىتقا دەيىن 240،7 ملرد تەڭگەدەن اسا سوما بجزق-عا قايتارىلدى، سەبەبى، قازاقستاندىقتار قاراجاتتى بەلگىلەنگەن مەرزىمدە پايدالانباعان.

سونداي-اق، بجزق ەمدەلۋگە بەرىلگەن 40،1 ملرد تەڭگەدەن استام سوماعا 43 453 ءوتىنىشتى ورىندادى. بۇل رەتتە الۋعا بولاتىن ورتاشا سوما شامامەن 0،9 ملن تەڭگەنى قۇرايدى. سونىمەن قاتار وسى ماقساتتا اۋدارىلعان 6،1 ملرد تەڭگە قايتارىلدى، بۇل قاراجات ءوتىنىش بەرۋشىنىڭ ءوتىنىشى جانە وزگە دە سەبەپتەر بويىنشا بەلگىلەنگەن مەرزىمدە پايدالانىلماعان.

سوڭعى جاڭالىقتار

جانى جايساڭ جاز-اتا

قوعام • كەشە

دۇبىردەن تۋعان ولەڭ

ادەبيەت • كەشە

ۇقساس جاڭالىقتار