قوعام • 24 قىركۇيەك، 2021

سوت ءبىرتانوۆتىڭ شاعىمىن قاناعاتتاندىرمادى

243 رەت كورسەتىلدى

قازاقستاننىڭ بۇرىنعى دەنساۋلىق ساقتاۋ ءمينيسترى ەلجان ءبىرتانوۆ ۇيقاماق تۇرىندەگى بۇلتارتپاۋ شاراسىن ۇزارتۋ تۋرالى سوت شەشىمىنە شاعىم تۇسىرگەن. سوت ونىڭ قورعاۋشىلارىنىڭ ءوتىنىشىن قاناعاتتاندىرمادى، دەپ جازادى Egemen.kz.

14 قىركۇيەكتە ءبىرتانوۆتى ءۇي قاماۋىندا ۇستاۋ تاعى ەكى ايعا ۇزارتىلدى. بۇل تاراپتاردىڭ قىلمىستىق ءىس ماتەريالدارىمەن تانىسىپ ۇلگەرۋى ءۇشىن جاسالدى. ادۆوكاتتار سوتتىڭ بۇل شەشىمىمەن كەلىسپەدى جانە كليەنتىنىڭ بوستاندىعىن شەكتەۋگە بولمايدى دەپ تالاپ ەتتى.

24 قىركۇيەكتەگى اپەللياتسيا بەلگىلەنگەن ۋاقىتتان شامامەن ءبىر ساعاتقا كەش باستالدى. نۇر-سۇلتان قالاسىنىڭ قىلمىستىق ىستەر جونىندەگى سوت القاسىنىڭ سۋدياسى مۇرات سولتىباەۆ بۇعان دەيىنگى سوت پروتسەستەرىنىڭ كەيىنگە شەگەرىلۋىنە بايلانىستى كەشىككەنىن ءتۇسىندىرىپ، كەشىرىم سۇرادى.

سودان كەيىن ەلجان ءبىرتانوۆتىڭ ادۆوكاتتارى 2021 جىلعى 14 قىركۇيەكتە وتكەن سوتتىڭ ۇيقاماق مەرزىمىن ۇزارتۋ تۋرالى شەشىمىمەن كەلىسپەيتىنىن ايتتى. الايدا شامامەن ءبىر ساعاتقا سوزىلعان وتىرىستا سۋديا 14 قىركۇيەكتەگى تەرگەۋ سوتىنىڭ شەشىمىن وزگەرىسسىز قالدىردى.

سوڭعى جاڭالىقتار

6 ءوڭىر «جاسىل» ايماقتا تۇر

كوروناۆيرۋس • بۇگىن، 09:20

ۇقساس جاڭالىقتار