ەلوردا • 24 قىركۇيەك، 2021

ەلوردادا رۋداكيدىڭ ەسكەرتكىشى اشىلدى

50 رەت كورسەتىلدى

سەنات توراعاسى ماۋلەن اشىمباەۆ پەن قازاقستانعا رەسمي ساپارمەن كەلگەن تاجىكستان ولي ءماجليسى ميللي ءماجليسىنىڭ توراعاسى رۋستامي ەمومالي اقىن، تاجىك جانە پارسى كلاسسيكالىق ادەبيەتىنىڭ نەگىزىن قالاۋشى ءابۋ ابداللاح رۋداكيدىڭ ەسكەرتكىشىن اشۋ راسىمىنە قاتىستى، دەپ جازادى Egemen.kz سەناتتىڭ ءباسپاسوز قىزمەتىنە سىلتەمە جاساپ.

فوتو: ە.ۇكىباەۆ

ەسكەرتكىشتىڭ اشىلۋ سالتاناتىندا ءسوز سويلەگەن ماۋلەن اشىمباەۆ بۇل شارا قازاقستان استاناسىنىڭ مادەني ومىرىندەگى ماڭىزدى وقيعا ەكەنىن جانە قازاقستان-تاجىك ىنتىماقتاستىعىنىڭ دامۋ تاريحىنا ەنەتىنىن اتاپ ءوتتى.

«قازاقستاندا ۇلى اقىن ءابۋ ابداللا رۋداكيدىڭ شىعارماشىلىق مۇراسىن جوعارى باعالايدى. ونىڭ پوەزياسى الەمدىك مادەنيەتتىڭ قازىناسىنا ەندى. ومار حايام، نيزامي، فيردوۋسي، ءدجامي جانە رۋمي سياقتى شىعىستىڭ كورنەكتى اقىندارى مەن جازۋشىلارى رۋداكيدىڭ شىعارماشىلىعىننان ءوسىپ شىقتى. بۇگىن ءبىز ونىڭ اتى بەرىلگەن كوشەندە تاجىك جانە پارسى كلاسسيكالىق ادەبيەتىنىڭ نەگىزىن قالاۋشى ابۋ ابداللاح رۋداكيگە ەسكەرتكىش اشامىز. دۋشانبەدە قازاقتىڭ ۇلى ويشىلى اباي اتىنداعى كوشە بار ەكەنىن بىلەمىز. ەكىجاقتى قارىم-قاتىناستاردا مادەني-رۋحاني بايلانىستار ءاردايىم بەرىك كوپىر جانە ىرگەتاس بولىپ قالا بەرەدى. كورنەكتى تۇلعالارىمىزدىڭ ەستەلىكتەرىن قۇرمەتتەۋ ءبىزدى قۋانتادى»، دەدى سەنات توراعاسى.

وسى كۇنى ەكى ەل پارلامەنتتەرى پالاتالارىنىڭ توراعالارى قازاقستان رەسپۋبليكاسىنداعى تاجىكستان رەسپۋبليكاسىنىڭ جاڭا ەلشىلىگىنىڭ قۇرىلىس ورنىنا العاشقى تاس قالاۋدىڭ سالتاناتتى راسىمىنە قاتىستى.

1

سوڭعى جاڭالىقتار

6 ءوڭىر «جاسىل» ايماقتا تۇر

كوروناۆيرۋس • بۇگىن، 09:20

ۇقساس جاڭالىقتار