مەديتسينا • 24 قىركۇيەك، 2021

قازاقستاندا ءدارى-دارمەك قىمباتتادى

17 رەت كورسەتىلدى

تامىز ايىنىڭ سوڭىندا قازاقستاندا فارماتسەۆتيكا ونىمدەرى باعاسى 0،3%-عا ءوستى، دەپ جازادى Egemen.kz.

Energyprom.kz زەرتتەۋىنە سايكەس، تامىز ايىنىڭ سوڭىندا فارماتسەۆتيكا ونىمدەرى باعاسى ايىنا 0،3%-عا جانە جىلىنا 3،3%-عا قىمباتتادى. اسىرەسە، ماڭعىستاۋ وبلىسىندا ءدارى-دارومەك باعاسى - 14،1%، ەلوردادا - 10،9% جانە اقمولا وبلىسىندا 9،1%-عا ءوستى. ال قوستاناي، پاۆلودار ء(ار وبلىستا 0،1%) جانە جامبىل (2،9%) وبلىستارىندا، كەرىسىنشە، ارزاندادى.

فارماتسەۆتيكالىق پرەپاراتتاردىڭ ىشىندە «حيلاك فورتە» (30 مل) بىردەن 17،9%-عا (1،6 مىڭ تەڭگەگە دەيىن)،  «ەسسەنتسيالە فورتە ن» (30 كاپسۋلا) 10،3%-عا، 2،9 مىڭ تەڭگەگە دەيىن قىمباتتادى، «نو-شپا» (40 مگ، 100 تابلەتكا) 10،2%-عا، 2،7 مىڭعا دەيىن وسسە،  «كورۆالول» (25 مل) 9%-عا، 180 تەڭگەگە دەيىن، «اكۆالور» (125 مل) 8،4%-عا، 2 مىڭ تەڭگەگە دەيىن وسكەن. «رەنني»، «ومەز»، «كسيمەلين»، «ينگاۆيرين»، امبروكسول جانە باسقا پرەپاراتتار باعاسى ايتارلىقتاي قىمباتتادى.

«ۆەروشپيروننىڭ» باعاسى (100 مگ، 30 كاپسۋلا) وزگەرىسسىز قالدى - 2،2 مىڭ تەڭگە.

«فەنيستيل نيۋ»، «گيپوتيازيد»،  «ازيتروميتسين»، سونداي-اق اتسەتيلساليتسيل قىشقىلىنىڭ باعاسى تومەندەگەن.

ايتا كەتەيىك، قر دەنساۋلىق ساقتاۋ ءمينيسترىنىڭ 2021 ج. 27 تامىزداعى بۇيرىعىمەن ءوندىرۋشىنىڭ دارىلىك زاتتىڭ فيرمالىق اتاۋىنا شەكتى باعاسى، دارىلىك زاتتىڭ بولشەك جانە كوتەرمە ساۋداداعى شەكتى باعاسى بەكىتىلدى. تىزىمدە بارلىعى 7023 ءدارى بار. بۇيرىق 2021 جىلى 18 قىركۇيەكتە كۇشىنە ەندى.

 

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار