قوعام • 24 قىركۇيەك، 2021

جىل باسىنان بەرى 891 مىڭنان استام ادام ااك الدى

15 رەت كورسەتىلدى

1 قىركۇيەكتەگى جاعداي بويىنشا 186،2 مىڭ وتباسىنداعى 891،1 مىڭ ادامعا اتاۋلى الەۋمەتتىك كومەك (بۇدان ءارى – ااك) تاعايىندالدى. بيىل وسى ماقساتتارعا بيۋدجەتتەن 83 ملرد تەڭگە بولىنگەن، دەپ حابارلايدى Egemen.kz.

بۇل تۋرالى قر ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسوز قىزمەتى مالىمدەدى.

ااك وتباسىنىڭ ءاربىر مۇشەسىنە جان باسىنا شاققانداعى ورتاشا تابىسى وڭىرلىك ەڭ تومەنگى كۇنكورىس دەڭگەيىنىڭ 70%-دان تومەن ازاماتتارعا تاعايىندالادى.

بۇدان باسقا، ااك كورسەتۋدىڭ جاڭا تەتىگىن ىسكە اسىرۋ شەڭبەرىندە ەلىمىزدىڭ بارلىق وڭىرىندە تابىسى از وتباسىلاردىڭ مەكتەپ جاسىنا دەيىنگى بالالارىن كەپىلدىك بەرىلگەن الەۋمەتتىك توپتامامەن (بۇدان ءارى – الەۋمەتتىك توپتاما) قامتاماسىز ەتۋ بويىنشا جۇمىس جۇرگىزىلۋدە. 2021 جىلعى 1 قىركۇيەكتە ااك الۋشىلار قاتارىنداعى 1 جاستان 6 جاسقا دەيىنگى 227،1 مىڭ بالاعا ازىق-ت ۇلىك جانە تۇرمىستىق حيميا جيىنتىعى تۇرىندە الەۋمەتتىك توپتاما تاعايىندالدى.

ەستەرىڭىزگە سالا كەتەيىك، ااك الۋشىلارعا تج رەجيمى مەن كارانتيندىك شەكتەۋ شارالارىنىڭ قولدانىلۋىنا بايلانىستى 2020 جىلعى II، III جانە IV توقسانداردا، سونداي-اق 2021 جىلعى I، II توقسانداردا كومەك تاعايىنداۋ ۇزارتىلدى.

قازىرگى ۋاقىتتا قازاقستاندىقتار ااك تاعايىنداۋعا ءوتىنىشتى تۇرعىلىقتى جەرى بويىنشا جۇمىسپەن قامتۋ ورتالىعىندا، سونداي-اق egov.kz ەلەكتروندىق ۇكىمەت پورتالى ارقىلى بەرە الادى.

 

 

سوڭعى جاڭالىقتار

الماتىدا قىلمىس ازايدى

ايماقتار • كەشە

ۇقساس جاڭالىقتار