كوميسسيانىڭ كەزەكتى وتىرىسى

قازاقستان قارۋلى كۇشتەرى اۋە قورعانىسى كۇشتەرى باس قولباس­شى­­­­سىنىڭ باسقارماسىندا سى­­­­­باي­لاس جەمقورلىققا قارسى زاڭناما­نى ورىن­داۋ, اسكەري قىزمەت­شىلەردىڭ بەلگىلەنگەن نورما­لاردى, شەكتەۋلەر مەن مىندەتتەمەلەردى ساق­تاۋ ءجونىن­دەگى كوميسسيانىڭ وتىرىسى بولىپ ءوتتى. اسكەري پوليتسيا باس باسقارماسىنىڭ وكىلدەرى اسكەري قىزمەتشىلەرمەن جەمقور­لىققا قارسى قىزمەتتىك مىنەز-ق ۇلىق ستان­دارتتارىنىڭ ساقتالۋ ماسەلەلەرى بويىنشا ساباق وتكىزدى. مەملەكەت باسشىسى نۇرسۇلتان نازارباەۆ ءوزىنىڭ «قازاقستان جولى – 2050: ءبىر ماقسات, ءبىر مۇددە, ءبىر بولاشاق» اتتى قازاقستان حالقىنا جولداۋىندا سىبايلاس جەمقورلىققا قارسى جاڭا ستراتەگيانى قالىپتاستىرۋ جانە ىسكە اسىرۋدى جالعاستىرۋ مىندەتىن بەلگىلەپ بەردى, سونداي-اق, ءمىنسىز مىنەز-قۇلقىمەن جانە جوعارى كاسىبي دەڭگەيىمەن ەرەكشەلەنۋگە ءتيىس زور وكىلەتتىلىك پەن قۇقىق يەلەنگەن شەندىلەرگە نازار اۋدارعان بولاتىن. كوميسسيا وتىرىسى بارىسىندا «سەنىم تەلە­­­فوندارى» بويىنشا ازاماتتاردىڭ ءوتىنىش­تەرىمەن جۇمىس ىستەۋگە ەرەكشە نازار اۋدارىلدى, سىبايلاس جەمقورلىق تۋرالى اقپارات انىق­تالعان جاعدايداعى جاۋاپكەرشىلىك ءتۇسىندىرىلدى. بۇل كوميسسيانىڭ قىزمەتى لاۋازىمدى ادامداردىڭ ءوز جۇمىسى ءۇشىن جاۋاپكەرشىلىك دارەجەسىن ارتتىرۋعا جانە ونى ودان ءارى ءمولدىر ەتۋگە باعىتتالعان. «ەگەمەن-اقپارات».