ونىڭ ايتۋىنشا, مەملەكەت باسشىسى قاسىم-جومارت توقاەۆ جاريا ەتكەن «وزگەرىستەر جولى: ءار ازاماتقا لايىقتى ءومىر!» سايلاۋالدى باعدارلاماسى اياسىندا 2025 جىلعا دەيىن وڭىردە ءومىر ساپاسىن جاقسارتۋ بويىنشا مىندەتتەر ىسكە اسىرىلادى. ماسەلەن, 3,5 ملن شارشى مەتر تۇرعىن ءۇيدى ەنگىزۋ, 80 مىڭ جۇمىس ورنىن اشا وتىرىپ, 245 جاڭا جانە قولدانىستاعى كاسىپورىنداردى ىسكە قوسۋ جانە كەڭەيتۋ, اۋىل حالقىن, ياعني جارتى ميلليونعا جۋىق تۇرعىندى 100% ساپالى اۋىز سۋمەن قامتاماسىز ەتۋ, 103 مەكتەپ سالۋ جانە جوندەۋ, سونداي-اق تاعى باسقا شارالاردى ىسكە اسىرۋ جوسپارلانعان.
8 ايدىڭ قورىتىندىسى بويىنشا 475 ينديكاتوردىڭ 27%-ءتى ورىندالدى. مىسالى, 379 مىڭ شارشى مەتر تۇرعىن ءۇي, 209 كم سۋمەن جابدىقتاۋ جەلىسى, 111 كم گاز قۇبىرى سالىنىپ, جوندەلدى. جىل سوڭىنا دەيىن كوكشەتاۋدا 6 جاڭا مەكتەپ جانە №1 مەكتەپ-گيمنازياعا ىرگەلەس 600 ورىندىق جاپسارجاي پايدالانۋعا ەنگىزىلەتىن بولادى. 14 مىڭداي جاڭا جۇمىس ورىندارى اشىلدى.
«اقمولا وبلىسىنىڭ اكىمى, فيليال توراعاسى ەرمەك مارجىقپاەۆپەن بىرگە Nur Otan-نىڭ سايلاۋالدى باعدارلاماسىنا سايكەس بۇلاندى اۋدانىندا سالىنىپ جاتقان بىرقاتار كاسىپورىندا بولدىم. ماسەلەن, ماكينسك قۇس فابريكاسىن جاڭعىرتۋ كاسىپورىننىڭ ءوندىرىسىن ارتتىرىپ, ءونىمىن ەكسپورتتاۋدى ۇلعايتۋعا, سونداي-اق قوسىمشا 700-دەن استام جاڭا جۇمىس ورنىن قۇرۋعا مۇمكىندىك بەرەدى. سودان كەيىن ماكينسك قالاسىندا «بوتا-2015» جشس-نىڭ قۋاتتىلىعى تاۋلىگىنە 600 توننا شيكىزاتتى وڭدەيتىن جاڭا ماي زاۋىتىنىڭ قۇرىلىسىمەن تانىستىم. ينۆەستيتسيا كولەمى 5 ملرد تەڭگەنى قۇراپ, 80 جاڭا جۇمىس ورنىن اشادى», دەپ جازدى Facebook-تەگى پاراقشاسىندا باۋىرجان بايبەك.
جالپى, تاياۋداعى 5 جىلدا Nur Otan اگرارلىق سەكتوردا 500 مىڭ ادامعا دەيىن جۇمىسپەن قامتاماسىز ەتۋ جونىندە مىندەت قويىپ وتىر. 2025 جىلعا قاراي اۋىل شارۋاشىلىعىندا جالپى ءونىم كولەمىن 1,3 ەسە, ەڭبەك ونىمدىلىگىن – 2,5 ەسە, ال ەكسپورتتى وڭدەلگەن ءونىمنىڭ ۇلەسىن 70%-كە جەتكىزە وتىرىپ, 2 ەسە ۇلعايتۋدى جوسپارلاۋدا. بۇل ەلدى ءوزى وندىرگەن نەگىزگى ازىق-ت ۇلىك تاۋارلارىمەن قامتاماسىز ەتەدى.
سول كۇنى باۋىرجان بايبەك كوكشەتاۋدا اقمولا, قوستاناي جانە سولتۇستىك قازاقستان وبلىستارىندا پارتيانىڭ سايلاۋالدى مىندەتتەرىنىڭ ورىندالۋى بويىنشا ونلاين-فورماتتا كەڭەس وتكىزدى.
وڭ ناتيجەلەرگە قاراماستان, جەكەلەگەن سايلاۋالدى ۋادەلەر بويىنشا جىل سوڭىنا دەيىن ورىندالماي قالۋ قاۋپى بار. بۇل 60% جاعدايدا جەتە قارجىلاندىرماۋعا بايلانىستى. ماسليحاتتارداعى فراكتسيالارىمىزدىڭ جەتەكشى ءرولىن ەسكەرە وتىرىپ, ول 3 جىلدىق كەزەڭگە ارنالعان جەرگىلىكتى بيۋدجەت جوبالارىن قاراۋ كەزىندە اتالعان ماسەلەلەرگە ەرەكشە نازار اۋدارۋدى تاپسىردى.
«سونداي-اق, جەكەلەگەن اۋداندار مەن قالالاردا جوبالىق قۇجاتتامانىڭ دايىن بولماۋىنا, جەر ۋچاسكەلەرىنىڭ, رۇقساتتاردىڭ جانە ت.ب. بولماۋىنا بايلانىستى ورىندالماي قالۋ قاۋپى بار. وسى ماسەلەلەردىڭ بارلىعى ناقتى شارالار قابىلدانا وتىرىپ, پارتيا جانىنداعى كەڭەستەردىڭ تالقىلاۋىنا شىعارىلاتىن بولادى. ەلباسى, پارتيا ليدەرى نۇرسۇلتان نازارباەۆ ايتقانداي, ءبىزدىڭ نەگىزگى مىندەتىمىز – بارلىق سايلاۋالدى ۋادەلەردى ورىنداۋ. Nur Otan ناقتى ىستەر پارتياسى رەتىندە قازاقستاندىقتاردىڭ ارتقان سەنىمىن اقتاۋ ءۇشىن قولدا بار بۇكىل رەسۋرسىن جۇمىلدىرادى», دەپ تۇيىندەدى پارتيا توراعاسىنىڭ ءبىرىنشى ورىنباسارى.
