جوبانى «KAZAKH INVEST» ۇك» اق قولداۋىمەن Yildirim Holding تۇرىك كومپانياسى جۇزەگە اسىرادى. سالتاناتتى شاراعا قر يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ, جامبىل وبلىسىنىڭ اكىمى بەردىبەك ساپارباەۆ, قر تۇركياداعى ەلشىسى ازبال ساپاربەك ۇلى, «Yildirim Holding» پرەزيدەنتى يۋكسەل يىلدىرىم قاتىستى.
جوبانى ىسكە اسىرۋ اياسىندا قازاقستان ەكونوميكاسىنا سالىنعان ينۆەستيتسيالاردىڭ جالپى كولەمى شامامەن $400 ملن قۇرايدى, كاسىپورىندا 350-گە جۋىق جۇمىس ورنى اشىلادى دەپ كۇتىلۋدە. جەرگىلىكتى كادرلاردىڭ بىلىكتىلىگىن ارتتىرۋ ماقساتىندا ينۆەستورلار مامانداردى وقىتۋدى ۇيىمداستىرۋعا نيەتتى.
«جوبانىڭ نەگىزگى باسەكەلەستىك ارتىقشىلىعى - تۇزدى تىكەلەي قايتا وڭدەۋ كاسىپورنىنا قۇبىرلار ارقىلى جىبەرۋ مۇمكىندىگىندە, بۇل ءداستۇرلى كاسىپورىندارداعى بىرنەشە وندىرىستىك تسيكلداردى بولدىرمايدى», دەپ اتاپ ءوتتى «KAZAKH INVEST» ۇك» اق جوبالىق مەنەدجەرى ديليارا تەكتيگۋلوۆا.
جوبانىڭ جالپى قۋاتى جىلىنا 500 مىڭ توننا ءونىمدى قۇرايدى, بۇل كورسەتكىشتى بىرتىندەپ 1 ملن-عا دەيىن ۇلعايتۋ مۇمكىندىگى بار.
ينۆەستورلاردىڭ ايتۋىنشا, جوبانى ىسكە اسىرۋ بارىسىندا الەمدە بالاماسى جوق, ينۆەستور پاتەنتتەگەن نولدىك قالدىقتار تەحنولوگياسى پايدالانىلاتىن بولادى. بۇل ءداستۇرلى ۇقساس كاسىپورىندارمەن سالىستىرعاندا تۇپكىلىكتى ءونىمنىڭ وزىندىك قۇنىن ايتارلىقتاي تومەندەتۋگە مۇمكىندىك بەرەدى.
ءراسىم بارىسىندا يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ بۇل زاۋىت ەلدەگى كالتسيلەنگەن سودا ءوندىرىسى بويىنشا العاشقى زاۋىت بولاتىنىن اتاپ ءوتتى. بۇگىنگى تاڭدا قازاقستان اتالعان ءونىمدى رەسەي مەن وزبەكستاننان يمپورتتايدى.
قر تۇركياداعى ەلشىسى ابزال ساپاربەك ۇلى قر ءسىم, KAZAKH INVEST جانە باسقا دا مەملەكەتتىك ورگانداردىڭ ۇيلەسىمدى جۇمىسىنىڭ, سونداي-اق جەرگىلىكتى اكىمشىلىكتىڭ ناقتى باقىلاۋىنىڭ ارقاسىندا جوبا جان-جاقتى قولداۋ تاپقانىن اتاپ ءوتتى. ول سونداي-اق بۇل جوبا تەك ءوڭىر ءۇشىن عانا ەمەس, بۇكىل ەل ءۇشىن ستراتەگيالىق ماڭىزدى بولىپ تابىلاتىنىن اتاپ ءوتتى.
جوبا كالتسيلەنگەن سودا يمپورتىن تولىعىمەن الماستىرۋعا مۇمكىندىك بەرەدى. زاۋىت ىسكە قوسىلعان كەزدە ىشكى نارىقتىڭ قاجەتتىلىكتەرى تولىعىمەن قاناعاتتاندىرىلادى. سونداي-اق, ءونىمنىڭ 30%-ى ەكسپورتقا شىعارىلادى. بولاشاقتا جاڭا ءوندىرىس ۇلەسىنە تمد جانە بالتىق ەلدەرى نارىعىنىڭ شامامەن 22%-ى تيەسىلى بولادى دەپ جوسپارلانۋدا.
