فوتو: Yahya Nemah/ەرا
Bloomberg اگەنتتىگىنىڭ جازۋىنشا, تاعى بىرنەشە مىڭ اسكەر ەكى ەلدىڭ شەكاراسىنا شىعاتىن جولدى باقىلايدى جانە يدليبتە سيريا كۇشتەرى شابۋىل جاساعان جاعدايدا, تويتارۋى كەرەك.
يدليب - سيرياداعى جالعىز ايماق, ونىڭ ەداۋىر بولىگى باندىلاردىڭ قولىندا. 2017 جىلى سولتۇستىك دەەسكالاتسيا ايماعى قۇرىلدى. وندا داماسك ماڭىنداعى شىعىس گۋتا مەن ەلدىڭ وڭتۇستىگىندە قارۋىن تاستاۋدان باس تارتقان ەكسترەميستەر كوشىرىلدى. تۇرىك ارمياسىنىڭ باقىلاۋ بەكەتتەرى پروۆينتسيا اۋماعىندا ورنالاسقان.
«پرەزيدەنت رەجەپ تايىپ ەردوعان ۇكىمەتى بۇرىننان رەسەي قولدايتىن سيريا كۇشتەرىنىڭ يدليبكە قارسى كوتەرىلىسشىلەر بەكىنىسىنە ەنۋى بوسقىنداردىڭ تۇركيا شەكاراسىنا قاراي اعىلۋىنا اكەلەدى دەپ قورقادى», دەپ جازادى اگەنتتىك.
رەسەي پرەزيدەنتىنىڭ ءباسپاسوز حاتشىسى دميتري پەسكوۆتىڭ ايتۋىنشا, سيرياداعى احۋال 29 قىركۇيەكتە وتەتىن تۇركيا مەن رەسەي باسشىلارىنىڭ كەزدەسۋىندە تالقىلانادى. كەزدەسۋ رەسەيدە وتەدى دەپ جوسپارلانعان.
