«ۆاكتسينا العانداردىڭ 90 پايىزى - ءبىزدىڭ 32000-نان استام قىزمەتكەرلەرىمىز جانە ءبىزدىڭ مەردىگەرلەردىڭ 4000-نان استام قىزمەتكەرلەرى, ياعني بارلىقتارىڭىز. بۇل ءبارىمىز ءۇشىن ۇلكەن جەڭىس!», دەدى بيدجۋ ناير.
«ارسەلورميتتال تەمىرتاۋ» اق بارلىق مەنەدجەرلەرى دە كوروناۆيرۋس ينفەكتسياسىنا قارسى ەكپە الدى.
بيدجۋ ناير ەلباسى - نۇرسۇلتان نازارباەۆتىڭ, قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ, سونداي-اق, پرەمەر-مينيستر اسقار ءماميننىڭ ۆاكتسينا ناۋقانىن ۇيىمداستىرۋداعى ءرولىن اتاپ ءوتتى.
«قازاقستان ۆاكتسينا قولجەتىمدى عانا ەمەس, ولاردى تاڭداۋ مۇمكىندىگى بار ساناۋلى ەلدەرىنىڭ ءبىرى. ۇلتتىق ۆاكتسينا دا ازىرلەندى», دەدى «ارسەلورميتتال تەمىرتاۋ» اق باس ديرەكتورى.
بيدجۋ ناير قاراعاندى وبلىسىنىڭ اكىمى جەڭىس قاسىمبەككە كومپانيا قىزمەتكەرلەرى ءۇشىن ۆاكتسيناتسيانى ۇيىمداستىرۋعا بەلسەندى كومەكتەسكەنى ءۇشىن العىس ءبىلدىردى. ەگۋ پۋنكتتەرى, مەديتسينا قىزمەتكەرلەرى بارلىق قاجەتتى جابدىقتارىمەن بىرگە كاسىپورىندار اۋماعىندا جۇمىس ىستەدى.
بيدجۋ ناير ءوز ۇندەۋىندە ءالى COVID-19 ۆاكتسيناسىن الماعان ادامداردى تەز ارادا ۆاكتسيناتسيالاۋعا شاقىردى. ول ۆاكتسيناتسيا - ادام ءومىرىن ساقتاپ قالۋدىڭ بىردەن-ءبىر جولى ەكەنىن ەسكە سالدى.
