تۇرعىننىڭ ايتۋىنشا, ەسكەرتكىشكە تابىنۋ يسلام شاريعاتىنا سايكەس كەلمەيدى. الايدا, وبلىس اكىمى بەردىبەك ساپارباەۆ بۇل ەسكەرتكىشتىڭ ءدىني نەگىزدەگى نىسان ەمەس ەكەنىن ءتۇسىندىردى.
«مۇنداي ەسكەرتكىشتەر تابىنۋ ورىندارى ەمەس. كوپشىلىك جامبىل وبلىسى دەسە, اۋليەاتانى ەسكە تۇسىرەدى. ءتىپتى, بىرقاتار ازاماتتار بۇل جەردى اۋليەاتا ءوڭىرى دەپ تە اتايدى. ال, ءبىز جاس ۇرپاققا اۋليەاتا كىم ەكەنىن تەك سوزبەن عانا جەتكىزبەي, وسىنداي ەسكەرتكىشتەرمەن ۇعىندىرا الامىز. «اۋليە اتا» ەسكەرتكىشى - مونۋمەنتتىك ونەر قۇرىلىسى. جانە ول ەسكەرتكىش ورناتىلعان ورىن تۋريستەرگە تاريحى تەرەڭ تارازدىڭ كەشەگىسىن تانىتىپ, تىنىعۋعا ارنالعان.
وسى سەكىلدى تاريحي, مادەني ەسكەرتكىشتەر كەلەشەك ۇرپاققا ءوز ەلىنىڭ, جەرىنىڭ وتكەنىن تانىتاتىن قۇرال سانالادى. كەشەگىمىزگە قاراپ, بولاشاعىمىزعا باعىت الاتىنىمىزدى ۇمىتپايىق. قازاقستان - زايىرلى جانە قۇقىقتىق مەملەكەت. ءدىني ۇستانىمدار ءار ادامنىڭ وزىندىك نانىم-سەنىمىنە قاراي جۇرگىزىلەدى. ەگەر سول ەسكەرتكىشكە تابىناتىندار بولسا, بەينەباقىلاۋ كامەرالارى ارقىلى انىقتالىپ, ءتارتىپ قاداعالاۋشىلارى تاراپىنان تۇسىندىرمە جۇمىسى جۇرگىزىلەدى», دەدى وبلىس اكىمى.
