مينيستر كاسپي تەڭىزىندە كومىرسۋتەگى شيكىزاتىنىڭ ءىرى قورى بار ەكەنىن اتاپ ءوتتى. وسىعان بايلانىستى سۋ قويماسىنىڭ ەكولوگياسى مەن بيولوگيالىق رەسۋرستارىن ساقتاۋ ماسەلەسى كۇن تارتىبىندە تۇر.
قازاقستان قورشاعان ورتانى قورعاۋ سالاسىنداعى ىنتىماقتاستىقتىڭ شارتتىق بازاسىن كەڭەيتۋ ماقساتىندا بىرقاتار حاتتاماعا قول قويدى. سولاردىڭ ءبىرى - 2018 جىلعى 20 شىلدەدەگى ماسكەۋدە كاسپي ماڭى مەملەكەتتەرى قول قويعان ترانسشەكارالىق كونتەكستە قورشاعان ورتاعا اسەردى باعالاۋ تۋرالى حاتتاما.
حاتتاماعا سايكەس مۇناي وڭدەۋ زاۋىتتارى, جىلۋ قۋاتى 300 مەگاۆاتت نەمەسە ودان جوعارى جىلۋ ەلەكتر ستانتسيالارى مەن باسقا دا جانۋ قوندىرعىلارى, اتوم ەلەكتر ستانتسيالارى مەن باسقا دا اتوم رەاكتورلارى, اۆتوموبيل جولدارىن سالۋ, رەكونسترۋكتسيالاۋ جانە باسقا دا قىزمەت تۇرلەرى رەتتەۋگە جاتادى. سونىمەن قاتار 1 شىلدەدە كۇشىنە ەنگەن ەكولوگيالىق كودەكستە ترانسشەكارالىق ەكولوگيالىق اسەردى رەتتەۋ, ولاردى جۇزەگە اسىرۋ ءتارتىبى, قۇقىقتارى مەن مىندەتتەرى بەكىتىلگەن. سونداي-اق, قورشاعان ورتاعا اسەردى باعالاۋ حاتتاماسىندا جانە رەسپۋبليكانىڭ ەكولوگيالىق كودەكسىنىڭ 81-بابىنىڭ 7-تارماعىندا ايقىندالعان, قاتىستى تاراپتاردىڭ ورگاندارىمەن كونسۋلتاتسيالاردى ەسكەرە وتىرىپ, ترانسشەكارالىق كونتەكستتە قورشاعان ورتاعا اسەردى باعالاۋدى وتكىزۋ مەرزىمى شامامەن 6 ايدى قۇرايدى.
«قورشاعان ورتانى قورعاۋ سالاسىنداعى ۋاكىلەتتى ورگان قوعامدىق تىڭداۋدا كوتەرىلگەن ماسەلەلەر بويىنشا تۇپكىلىكتى شەشىمدى مۇددەلى مەملەكەتتىك جانە مەملەكەتتىك ەمەس ورگاندارمەن كەلىسە وتىرىپ قابىلدايدى», دەدى س.برەكەشەۆ.
