پرەزيدەنت وركەنيەتتەردىڭ ەۋرازيالىق توعىسىندا ورنالاسقان قازاقستان بۇرىنعىداي تەپە-تەڭ, سىندارلى سىرتقى ساياسات ۇستاناتىنىن مالىمدەدى.
ء«بىزدىڭ جاقىن كورشىلەرىمىزدىڭ بارىمەن, باتىس ەلدەرىمەن, ەۋروپالىق وداقپەن, ازيا جانە تاياۋ شىعىستاعى مەملەكەتتەرمەن قارىم-قاتىناسىمىز وتە جاقسى. ازياداعى ءوزارا ىقپالداستىق جانە سەنىم شارالارى جونىندەگى كەڭەستىڭ باستى ماقساتى دا وسى. قازاقستان كەلەر جىلى اوسشك-قا توراعالىق ەتىپ, كەڭەستىڭ 30 جىلدىعىنا ارنالعان سامميت وتكىزەدى.ء بىزدىڭ الەم ءوزارا بايلانىستى ءارى نازىك. ءبىز ادامدارعا ناقتى ناتيجە بەرەتىن جانە شىنايى جاھاندىق ىنتىماقتاستىققا ارقاۋ بولاتىن سىندارلى ديالوگ قۇرۋعا مۇقتاجبىز», دەدى مەملەكەت باسشىسى.
ق.توقاەۆ حالىقارالىق ۇيىمدار, قارجى مەكەمەلەرى, ازاماتتىق قوعام, بيزنەس, جەرگىلىكتى جانە ايماقتىق بيلىكتى ادامزاتقا ورتاق يگىلىك جولىندا بەلسەندى ءارى شىنايى بولۋعا شاقىردى.
ء«بىزدىڭ ورتاق بولاشاعىمىزدى وزىمىزدەن باسقا ەشكىم قامتاماسىز ەتپەيدى. ەشقانداي ۇلت جالعىز ءجۇرىپ جول تاپپايدى جانە وركەندەمەيدى. ونىڭ ەمى دە, داۋاسى دا جوق.ء دال قازىرگى ۋاقىت الەمدى جاقسىلىققا جەتەلەۋدىڭ ۇجىمدىق مۇمكىندىگىن ۇسىنىپ وتىر», دەدى پرەزيدەنت.
