بيزنەس • 23 قىركۇيەك، 2021

كاسىپكەرگە جەر بەرمەي، جىگەرىن قۇم قىلادى

68 رەت كورسەتىلدى

مەملەكەت باسشىسى قاسىم-جومارت توقاەۆتىڭ قازاقستان حال­قىنا جولداۋىندا پاندەميا زاردابى، اسىرەسە شاعىن جانە ورتا بيزنەسكە اۋىر ءتيىپ وتىرعانى ايتىلدى. بۇگىنگىدەي كۇردەلى كەزەڭدە كاسىپكەرلەردىڭ جۇمىسىنا كەدەرگى كەلتىرۋ مەملەكەتكە قارسى جاسالعان اۋىر قىلمىس رەتىندە باعالانۋى كەرەكتىگىن ەسكەرتكەن پرەزيدەنت: «كاسىپكەرلەر شەنەۋنىكتەر تاراپىنان زاڭسىز قىسىم كورسە، بىردەن پروكۋراتۋرا ورگاندارىنا جۇگىنگەنى ءجون»، دەدى.

مەملەكەت باسشىسىنىڭ وسى تاپسىرماسىن باسشىلىققا العان قوستاناي وبلىستىق كاسىپكەرلەر پالاتاسى جانىنداعى قوعامدىق كەڭەستە جۋىردا بيزنەسىن دامى­تۋ ماقساتىندا جەر تەلىمىن الۋ­دى مەجەلەپ قويعان، بىراق بيۋ­روكراتيالىق كەدەرگىلەردىڭ كە­سىرىنەن وعان جىلدان استام ۋاقىت قول جەتكىزە الماي قاجىعان كاسىپ­كەرلەردىڭ شاعىمدارى قارالدى. نا­تي­جەسىندە، كاسىپكەرلەر قۇ­قىن قورعاۋ جانە سىبايلاس جەم­قورلىققا قارسى كۇرەس جونىندەگى قوعامدىق كەڭەس جەر اۋكتسيوندا­رىن وتكىزۋدى سوزباققا سالاتىن شە­نەۋنىكتەردى اكىمشىلىك جاۋاپ­كەرشىلىككە تارتۋ تۋرالى ۇسىنىس ازىرلەۋ كەرەك دەگەن قورىتىندىعا كەلدى. ويت­كەنى سوڭعى جىلدارى بيزنەس­كە جەردى پايدالانۋعا بەرۋ ماسە­لە­سىندە قوستاناي قالالىق اكىمدىگى تاراپىنان زاڭعا قاي­شى ارەكەت­تەر مەن ارەكەتسىزدىكتەر ءجيى ورىن الا باستاعان. توتەسىن ايتساق، قوس­تانايلىق كاسىپكەرلەر ءۇشىن بوس جاتقان جەردى الۋ قيامەت بولىپ كەتكەن. كوزدەگەن جەرىن الۋ ءۇشىن كاسىپكەرلەر اكىمدىككە قايتا-قايتا ارىز جازىپ، ودان ەش ناتيجە شىعارا الماي الەك. جەر كودەكسى بويىنشا جەردى كاسىپكەرگە ءبولىپ بەرۋدەن باس تارتقان سوڭ، اكىمدىك جەر تەلىمىن 90 كۇننىڭ ىشىندە اۋك­تسيون ارقىلى ساۋدالاۋى كەرەك ەكەن. بىراق داۋلى جەرلەرگە قا­تىستى مۇنداي اۋكتسيوندار كوبىنە وتپەي قالادى.

اكىمشىلىك كەدەرگىنىڭ كەسىرىنەن كاسىپكەرلەردىڭ بيزنەسكە بەرىلەتىن جەرگە قول جەتكىزە الماي جۇرگەنىن وبلىستىق كاسىپكەرلەر پالاتاسى ديرەكتورىنىڭ ورىنباسارى سامات سادۋاقاسوۆ تا ايتتى.

– ءبىز قوستاناي قالالىق پروكۋراتۋراسىمەن بىرلەسىپ اكىمدىكتىڭ جەر كودەكسى نورمالارىن ساقتاۋ ماسەلەسىن زەردەلەپ شىقتىق. ما­سە­لەن، قوستاناي قالاسىنىڭ اكىم­دى­گى 2021 جىلدىڭ 31 مامىرىندا جەكە كاسىپكەر ا.تولەندينگە ءۇش جەر تەلىمىن بەرۋدەن باس تار­تۋ تۋرالى قاۋلى شىعارعان. مۇنى­سىن تەلىمدەردىڭ ۇشەۋى دە اۋكتسيون ارقىلى بەرىلەتىندىگىمەن تۇ­سىندىرگەن. جەر كودەكسى بو­يىنشا اۋكتسيون وتكىزۋ مەرزىمى 31 تامىز­دا اياقتالدى. الايدا اكىمدىك كۇنى بۇگىنگە دەيىن كاسىپكەرگە بە­­رۋ­دەن باس تارتقان جەرلەردىڭ ەش­قاي­سىسىن ساۋداعا سالعان جوق. وسىعان ۇقساس زاڭ بۇزۋ ارەكەتتە­­رى تاعى ەكى كاسىپكەردىڭ شاعىمى بو­يىن­شا انىقتالىپ وتىر، – دەدى س.سادۋاقاسوۆ.

ال Basadato جاۋاپكەر­شى­لى­گى شەكتەۋلى سەرىكتەستىگى اۋماعى 3 گەك­تار بولاتىن جەر تەلىمىنە ءبىر جىل بويى قول جەتكىزە الماي كەلەدى. سەرىكتەستىك جەر ءبولۋ تۋرالى ءوتىنىشتى بىلتىر بەرگەن. بىراق اكىمدىك جەر اۋكتسيونىن وتكىزەمىز، سوعان قاتىساسىز دەگەن ۋادە بەرىپ، ۋاقىت سوزىپ جىبەرگەن. اۋكتسيوندى كۇتە-كۇتە شارشاعان كاسىپورىن باس­شىلارى بيىل ساۋىردە ەكىنشى قايتارا ءوتىنىش بەرەدى. الايدا بۇل ءوتىنىش تە قاناعاتتاندىرىلماي، كاسىپكەرلەردىڭ تاعى تاۋلارى شا­عىلدى. اكىمدىك بۇل جولى كاسىپ­ورىن سۇراعان جەردە قۇرىلىس كوپ ءجۇرىپ جاتىر، ينجەنەرلىك جەلىلەر رەتتەلمەگەن دەگەن سەبەپتى العا تارتقان. بۇدان كەيىن سەرىكتەس­تىك مامانداندىرىلعان سوتقا شاعىم بەرەدى. سوت جەردى بەرمەۋ تۋرالى قاۋلىنى زاڭسىز دەپ تانىپ، اكىمدىكتى وزدەرى جىبەرگەن ولقىلىقتىڭ ورنىن تولتىرۋعا مىن­دەتتەپ وتىر.

جەر قاتىناستارى سالاسىن­دا مۇنداي ماسەلەلەر ءجيى تۋىنداپ ­جاتاتىنىن اكىمدىكتەگىلەردىڭ وزدەرى دە جاسىرمايدى. كا­سىپ­كەرلەردى نەگىزسىز اۋرە-سارساڭعا ءتۇسىرىپ قويعان ولقىلىقتىڭ باستى سەبەبى كوبىنە-كوپ ادام فاكتورىنا، ناقتىراق ايتقاندا، اكىمدىكتەگى مامان تاپشىلىعىنا بايلانىستى كورىنەدى.

– ماسەلە بىلاي: الدىمەن قوستاناي قالاسى اكىمىنىڭ اتى­­نا اۋكتسيون وتكىزۋ تۋرالى ءوتى­نىش كەلىپ تۇسەدى. وعان جەر قا­تىناستارى ءبولىمى قول قويا­دى. ءارى قاراي ءوتىنىشتى ساۋلەت بولى­مىنە كەلىسىم بەرۋگە جىبەرەمىز. بيىل ءبىزدىڭ بولىمگە 200-دەي ءوتى­نىش كەلىپ ءتۇستى. ونىڭ شامامەن 150-دەيىنە ساۋلەت ءبولىمى كەلىسىم بەرمەدى. كەيبىر وتىنىشتەر ءالى دە قارالىپ جاتىر. بۇل ءبولىم كوپتەن بەرى كادر تاپشىلىعىنان اقساپ كەلەدى، ماماندار جەتىسپەيدى، بيىل جىل باستالعالى ءبولىم باس­شىسى بولماي كەلگەن. وتى­نىشتەردى قاراۋ ۋاقىتىنىڭ سوزىلىپ كەتكەن سەبەبى – وسى. بىراق جاۋاپكەرشىلىكتى ءبىزدىڭ موينىمىزدان ەشكىم الىپ تاستاعان جوق، – دەگەن جەر قاتىناستارى ءبو­­لىمىنىڭ جاڭا باسشىسى باقتيار جۇمابەكوۆ الداعى ۋاقىتتا وتى­نىشتەردى قاراۋ مەرزىمىن بارىنشا قىسقارتۋعا ۋادە ەتتى.

وتىنىشتەردىڭ قارالۋ مەرزىمىن سوزعان شەنەۋنىكتەر قازىر ءارى كەتسە، تارتىپتىك جازاعا عانا تارتىلادى، ال ءوتىنىش بەرگەن كاسىپكەر ءۇشىن ءار كۇن قىمبات. قوعامدىق كەڭەس وسىنى ەسكەرە وتىرىپ، مۇنداي اۋكتسيونداردى زاڭدا بەلگىلەنگەن مەرزىم ىشىندە وتكىزبەگەن مەملەكەتتىك قىزمەتشىلەردى اكىمشىلىك جازاعا تارتۋ تۋرالى ۇسىنىس ازىرلەۋ كەرەك دەگەن ۇيعارىمعا كەلدى. بۇل ۇسىنىس «اتامەكەن» ۇلتتىق كا­سىپ­كەرلەر پالاتاسىنىڭ ورتالىق اپ­پاراتىنا قاراۋعا جىبەرىلدى.

 

قوستاناي وبلىسى

 

سوڭعى جاڭالىقتار

دوللار قىمباتتاپ بارادى

قارجى • بۇگىن، 11:20

لوماچەنكودان قازىردەن قاشىپ وتىر

كاسىپقوي بوكس • بۇگىن، 10:35

«ۇزدىكتەردىڭ ۇزدىگى» انىقتالدى

ۇلتتىق سپورت • بۇگىن، 10:12

«قىزىل» ايماقتا ءبىر عانا ءوڭىر قالدى

كوروناۆيرۋس • بۇگىن، 09:52

كوگەرشىندەر كورمەسى

ايماقتار • بۇگىن، 09:44

مىندەتتى قارسىلاس اتاندى

بوكس • بۇگىن، 09:42

تاۋەلسىزدىك تاسپاسى تاراتىلادى

تاۋەلسىزدىكتىڭ 30 جىلدىعى • بۇگىن، 09:40

قپل-ءدىڭ قىمبات فۋتبولشىلارى

فۋتبول • بۇگىن، 09:38

اردا ازاماتتىڭ ەسىمى ەل ەسىندە

قازاقستان • بۇگىن، 09:29

قوزىباەۆ كابينەتى اشىلدى

قازاقستان • بۇگىن، 09:28

«قىزىل ايماقتان» قۇتىلا الماي تۇرمىز

كوروناۆيرۋس • بۇگىن، 09:23

ەلدى امان الىپ قالاتىن ەكپە عانا

كوروناۆيرۋس • بۇگىن، 09:21

ەپيداحۋال تۇراقتالىپ كەلەدى

كوروناۆيرۋس • بۇگىن، 09:19

ۇقساس جاڭالىقتار