«شىعارماشىلىق جانە نارىق. لوندون, نيۋ-يورك, توكيو, گونكونگ, بەرلين, بارسەلونا, ماسكەۋ وسى جولمەن جۇرەدى. كرەاتيۆتى ەكونوميكا شاعىن بيزنەس پەن جۇمىسپەن قامتۋعا ايتارلىقتاي مۇمكىندىكتەر ۇسىنادى. بۇل يكەمدى, جوباعا نەگىزدەلگەن, ءموبيلدى, جەكە داعدىلاردى قاجەت ەتەدى», دەدى باسقارما باسشىسى.
سپيكەردىڭ سوزىنشە, قازاقستاننىڭ جالپى ىشكى ونىمىندە يندۋستريانىڭ ۇلەسى الماتى قالاسىنا تيەسىلى. سونىمەن قاتار, ول مەملەكەت باسشىسى ەلدەگى كرەاتيۆتى ەكونوميكانىڭ ماڭىزدىلىعىنا باسا نازار اۋدارعانىن جانە وسى سالانى دامىتۋدا الماتى قالاسىنا قولداۋ كورسەتەتىنىن اتاپ ءوتتى.
«كرەاتيۆتى كاسىپقويلار تەك كرەاتيۆتى يندۋستريادا عانا سۇرانىسقا يە ەمەس. كوپتەگەن ءداستۇرلى سالالاردىڭ باسەكەگە قابىلەتتىلىگى ولاردىڭ ونىمدىلىگىنە بايلانىستى. مەنىڭ ويىمشا, الماتى جاقىن ارادا جاڭا يندۋستريالار مەن يننوۆاتسيالاردىڭ, ء«بىلىم ەكونوميكاسىنىڭ» ورتالىعىنا اينالادى. سەبەبى جەرگىلىكتى اتقارۋشى ورگاندار كرەاتيۆتى بيزنەس-قوعامداستىق وكىلدەرىمەن جۇيەلى قارىم-قاتىناس ورناتۋعا مۇددەلى», دەدى ول.
