22 قىركۇيەك ساعات 15:00-دەگى جاعداي بويىنشا 5 003 105 رەسپوندەنت ونلاين ساناقتان ءوتتى. ولاردىڭ 4 323 686-سى - sanaq.gov.kz سايتىندا, 484 878 ادام Egov پورتالىندا تىركەلۋ ارقىلى جاۋاپ بەرسە, 194 541 ادام ساناققا اitu قوسىمشاسى ارقىلى قاتىستى.
ونلاين ساناقتان وتكەندەر سانى بويىنشا تۇركىستان وبلىسى الدا. مۇندا 603 743 تۇرعىن ساناقتان وتكەنى جايلى حابارلاما العان. ونلاين ساناقتان وتكەن تاعى 527 233 ادام الماتى وبلىسىندا تىركەلگەن. ۇزدىك ۇشتىكتى شىعىس قازاقستان وبلىسى تۇيىندەدى. مۇندا 437 656 ادام ساناق ساۋالدارىنا جاۋاپ بەردى.
بۇل كورسەتكىش بويىنشا ازىرگە سوڭعى ەكى ورىندى ماڭعىستاۋ جانە سولتۇستىك قازاقستان وبلىستارى ەنشىلەپ تۇر. بۇل وڭىرلەردە سايكەسىنشە 136 773 جانە 133 377 ادام ساناقتان ءوتىپتى.
جەرگىلىكتى حالىق سانىنا شاققانداعى ساناقتان وتكەندەردىڭ ۇلەسى بويىنشا قىزىلوردا وبلىسى الدا تۇر. مۇندا ازاماتتاردىڭ 43% ساۋالدارعا جاۋاپ بەرگەن (1 تامىزداعى جاعداي بويىنشا وڭىردە 823052 ادام تىركەلگەن). بۇل كورسەتكىش بويىنشا باتىس قازاقستان وبلىسى ەكىنشى ورىندا. مۇندا تۇرعىنداردىڭ 35,9% بۇگىنگە دەيىن ساناقتان ونلاين رەجيمدە وتكەن (1 تامىزداعى جاعداي بويىنشا وڭىردە 749754 ادام تىركەلگەن).
ۇلتتىق ستاتيستيكا بيۋروسى ازاماتتاردىڭ بەلسەندىلىگى ءۇشىن العىس ايتا وتىرىپ, ساناقتى ونلاين وتۋگە شاقىرادى.
«Sanaq.gov.kz سايتى 15 قازانعا دەيىن تاۋلىك بويى قولجەتىمدى. ونلاين ساناقتان وتپەگەندەر 1-30 قازان ارالىعىندا ينتەرۆيۋەرلەردىڭ ساۋالدارىنا جاۋاپ بەرە الادى. بارلىق ساۋالدار بويىنشا 1446 بايلانىس ورتالىعىنا حابارلاسۋعا بولادى. قوڭىراۋ شالۋ تەگىن», دەپ حابارلادى ۇلتتىق ستاتيستيكا بيۋروسى.
