«قازاقستان تاۋەلسىزدىگىنىڭ 30 جىلدىعىمەن ورايلاس كەلگەن 15 جىلدىق مەرەيتويلارىڭىزبەن شىن جۇرەكتەن قۇتتىقتايمىن. بۇگىندە مەملەكەت تاريحىنىڭ دەرەكتى ەسكەرتكىشى, قۇندىلىقتار قازىناسى سانالاتىن ۇلتتىق ارحيۆ قازاقستان حالقىنىڭ تاريحي-مادەني مۇراسىنىڭ اجىراماس بولىگى. جانە ارحيۆ تاريحي, عىلىمي, ەكونوميكالىق, ساياسي ماڭىزدى قۇجاتتاردى ساقتاۋشى ۇلتتىق رەسۋرستار قويماسىنا اينالدى. جاس مەملەكەتتىڭ جاڭا تاريحىن مازمۇنىمەن بايىتىپ كەلە جاتقان ەلەۋلى وقيعالاردىڭ شەجىرەسىن جيناۋ, ەڭسەلى ەگەمەندىگىمىزدىڭ ءاربىر ءساتىن بولاشاق ۇرپاققا ميراس ەتىپ قالدىرۋ, كوزدىڭ قاراشىعىنداي ساقتاپ قالۋ – سىزدەر اتقارىپ جاتقان يزگىلىكتى ءىس ەكەنى ءسوزسىز.
وتاندىق ارحيۆ ءىسى سالاسىن جەتىلدىرۋ, قۇجاتتىق مۇرانى ساقتاۋمەن قاتار شەتەلدىك ارىپتەستەرمەن تىعىز قارىم-قاتىناس ورناتىپ, حالىقارالىق ىنتىماقتاستىقتىڭ دامۋىنا قوماقتى ۇلەس قوسىپ كەلەسىزدەر. قر ۇلتتىق ءارحيۆى ۇجىمىنا ءوزىمنىڭ جانە قر ۇكىمەتىنىڭ اتىنان تولاعاي تابىس تىلەيمىن. ەلىمىزدىڭ ەگەمەندىگىن ۇلىقتايتىن جوبالاردى جۇزەگە اسىرىپ, تاۋەلسىزدىگىمىزدىڭ اسىل قازىناسى سانالاتىن ارحيۆ قۇجاتتارىن ساف التىنداي ساقتاپ, قۇندى دەرەكتەرمەن تولتىرا بەرەتىندەرىڭىزگە سەنىم بىلدىرەمىن. وسىنداي ەرەكشە, ماڭىزدى كۇنى سىزدەرگە جاڭا شىعارماشىلىق جەتىستىكتەر, يگى باستامالارىڭىزعا تابىس تىلەيمىن», دەدى پرەمەر-مينيستر.
حالىقارالىق عىلىمي-پراكتيكالىق كونفەرەنتسياعا قىرعىزستان, تۇركيا, وزبەكستان جانە رەسەيدەن ارحيۆ وكىلدەرى مەن ماماندارى قاتىسۋدا.
