Kaspi.kz-ءنىڭ باسشىسى جانە نەگىزىن قالاۋشى ميحايل لومتادزە تاعى دا «جىلدىڭ ۇزدىك CEO» اتاندى. ميحايل «يننوۆاتسيالىق دامۋ ءۇشىن» ماراپاتقا يە بولدى.
لوندون قور بيرجاسىنداعى Kaspi.kz-ءنىڭ ءساتتى IPO-سى «جىلدىڭ ۇزدىك مامىلەسى» دەپ تانىلدى.
ال «جىلدىڭ ترانسفورماتورى» اتاعى Kaspi.kz-كە كليەنتتەردىڭ جاڭا تاجىريبەسىن جاساعانى ءۇشىن بەرىلدى.
Kaspi.kz-ءتىڭ باسشىسى جانە نەگىزىن قالاۋشى ميحايل لومتادزە بۇل تۋرالى بىلاي پىكىر ءبىلدىردى:
«بۇل شەشىم ءۇشىن قازىلار القاسىنا راحمەت. بۇكىل Kaspi.kz كومانداسىنان ءبىزدىڭ قىزمەتتەردى پايدالانعانى ءۇشىن جانە ءبىزدى ۇنەمى الدىعا ۇمتىلۋ مەن جاڭاشىلدىققا شابىتتاندىرعانى ءۇشىن ءاربىر سۇيىكتى كليەنتىمىزگە راحمەت. ءبىز ءوز تاراپىمىزدان قازاقستاندىقتاردىڭ ءومىرىن جاقسارتاتىن يننوۆاتسيالىق قىزمەتتەرمەن تاڭقالدىرۋدى جالعاستىرامىز دەپ ۋادە بەرەمىز. جانە بىرگە بۇكىل الەمگە قازاقستاندا يننوۆاتسيالىق تەحنولوگيالىق كومپانيالاردى قۇرىپ, تابىستى دامىتۋعا بولاتىنىن كورسەتەمىز», - دەدى ميحايل لومتادزە ماراپاتتاۋ راسىمىندە.
جىل سايىن ۇزدىك مەنەدجەرلەر مەن كومپانيالاردى Kazakhstan Growth Forum-نىڭ ساراپشىلار كەڭەسى انىقتايدى. بيىل ونىڭ قۇرامىنا وراز جاندوسوۆ (ەكونوميستەر قاۋىمداستىعى), ساكەن جۇماشەۆ (KPMG), ەلەنا باحمۋتوۆا (AFK), ەلدار ابدرازاكوۆ (Kazakhstan Growth Forum), الينا الدامبەرگەن (KASE), ەكاتەرينا بەندجامين (IFC), ەرلان دوسىمبەكوۆ (EY), ەرجان دوسىمبەكوۆ (Grant Thornton), اندرەي بەكلەميشەۆ (IDC) سىندى بەدەلدى ساراپشىلار كىردى.
جەڭىمپازدار ەكونوميكانىڭ ءار سالاسىنان ۇسىنىلعان 500 قازاقستاندىق كومپانيانىڭ ىشىنەن تاڭدالدى. باسقارۋشىلار مەن كومپانيالاردىڭ جۇمىسىن قازىلار القاسى بەس كريتەري بويىنشا باعالادى: Perfomance (نارىقتىڭ وڭ ديناميكاسى), Corporate Governance (قىزمەتتىڭ اشىقتىعى), Innovations (سەرپىندى باستامالار مەن ونىمدەر), Corporate Culture&Talent Management (كورپوراتيۆتىك مادەنيەت پەن تالانتتى دامىتۋ), Impact (الەۋمەتتىك ۇلەس).
بۇعان دەيىن Kaspi.kz باسشىسى مەن تەڭ قۇرىلتايشىسى ميحايل لومتادزە PricewaterhouseCoopers (PwC) جەتەكشى حالىقارالىق كونسالتينگتىك كومپانياسى جىل سايىن جۇرگىزەتىن CEO Survey ساۋالناماسىنىڭ ناتيجەسى بويىنشا بىرنەشە رەت قازاقستانداعى ۇزدىك كومپانيا باسشىسى بولىپ تانىلعان.
