ايماقتار • 22 قىركۇيەك، 2021

كوتەرمەاقى كولەمى ءوستى

22 رەت كورسەتىلدى

قوستاناي وبلىستىق ءماسليحاتىنىڭ كەزەكتەن تىس وتىرىسىندا دەنساۋلىق ساقتاۋ سالاسىن جاس ماماندارمەن تولىقتىرۋ ماسەلەسى قارالدى. ايماقتا مەديتسينا قىزمەتكەرلەرى جەتىسپەيدى. وبلىستىق ءماسليحات دەپۋتاتتارى بۇل ماسەلەنىڭ وڭتايلى شەشىلۋى ءۇشىن بيىل وڭىرگە كەلەتىن جاس ماماندارعا بەرىلەتىن كوتەرمەاقى مولشەرىن كوبەيتۋ تۋرالى شەشىم قابىلدادى.

بۇگىندە قوستاناي وبلىسىندا 14 857 مەديتسينا قىزمەتكەرى ەڭبەك ەتۋدە. الايدا 308 دارىگەردىڭ ورنى بوس تۇر، ونىڭ 97-ءسى اۋىلدىق مەكەندەردە. وبلىستىق دەنساۋلىق ساقتاۋ باسقارماسى باسشىسىنىڭ مىندەتىن اتقارۋشى رۇستەم ايتباەۆتىڭ ايتۋىنشا، ايماقتا، اسىرەسە، سوڭعى جىلدارى وسى ولقىلىقتىڭ ورنىن تولتىرۋ ماقساتىندا پارمەندى جۇمىس ءجۇرىپ جاتىر.

– وزگە وڭىرلەردەن تاجىريبەسى مول، بىلىكتى دارىگەرلەر تارتىلۋدا. جاس ما­مانداردىڭ قاتارى دا جىل سايىن تۇلەك­تەرمەن تولىقتىرىلىپ وتىر. مۇنىڭ سىرتىندا، 2018 جىلدان بەرى ەلىمىزدىڭ مەديتسينالىق ۋنيۆەرسيتەتتەرىندە 100 ستۋدەنت وقىپ جاتىر. ولار شاكىرتاقىنى وبلىس بيۋدجەتىنەن الادى، ەسەسىنە ءار ستۋدەنتپەن وقۋىن تامامداعان سوڭ، وسى وڭىردە 5 جىل جۇمىس ىستەۋ تۋرالى كە­لىسىمشارت جاسالعان. بۇگىنگىدەي كۇردەلى جاعدايداعى كادر تاپشىلىعىن ەسكەرە وتىرىپ، ءبىز الداعى ۋاقىتتا وڭىرگە كەلەتىن ماماندارعا بەرىلەتىن كوتەرمەاقى كولەمىن قالالىق جەرگە كەلەتىن دارىگەرلەرگە 1،5 ملن تەڭگەگە، اۋىلعا باراتىن ماماندارعا 2 ملن تەڭگەگە دەيىن كوبەيتۋدى سۇرايمىز، – دەدى ر.ايتباەۆ.

وبلىستىق ءماسليحات دەپۋتاتتارى باس­قارما باسشىسىنىڭ ءوتىنىشىن ءبىراۋىزدان قولدادى. بۇعان دەيىن دارىگەرلەر قالالىق مەكەنگە كەلسە – 1 ملن تەڭگە، اۋىلعا بارسا 2 ملن تەڭگە كوتەرمەاقى الىپ كەلگەن.

 

قوستاناي وبلىسى

 

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار