سوندىقتان ەگەر تىركەلگەن ءارى ساناقتان وتكەن رەسپوندەنت ساناق پاراعىنا وزگەرىس ەنگىزۋدى قالاسا, بايلانىس ورتالىعىنا نەمەسە ايماقتارداعى جاۋاپتى تۇلعالاردىڭ تەلەفوندارىنا حابارلاسۋى قاجەت ء(تىزىم sanaq.gov.kz سايتىندا كورسەتىلگەن). بايلانىس ورتالىعىنا حابارلاسقاننان كەيىن رەسپوندەنتتەردە ءۇي شارۋاشىلىعى (وتباسى) مۇشەلەرىن قوسۋ, ۋاقىتشا تۇرعانىن كورسەتكەن ازاماتتار ءۇشىن تۇراقتى تۇراتىنىن بەلگىلەپ, 3-ي ساناق پاراعىن ءوزى جانە قوسىلعان وتباسى مۇشەلەرى ءۇشىن تولىقتىرۋ مۇمكىندىگى بەرىلەدى. بۇدان بولەك انكەتانى قازاننىڭ 1-30 ارالىعىندا ۇيلەردى ارالايتىن ينتەرۆيۋەرلەردىڭ كومەگىمەن دە تولتىرۋعا بولادى.
17 قىركۇيەك ساعات 16:00-دەگى جاعداي بويىنشا 3 883 145 رەسپوندەنت ونلاين ساناقتان ءوتتى. ولاردىڭ 3 352 748-ءى sanaq.gov.kz سايتىندا, 379 629 ادام Egov پورتالىندا تىركەلۋ ارقىلى جاۋاپ بەرسە, 150 768 ادام ساناققا اitu قوسىمشاسى ارقىلى قاتىستى.
ونلاين ساناقتان وتكەندەر سانى بويىنشا الماتى وبلىسى الدا كەلەدى. مۇندا 407 552 تۇرعىن ساناقتان وتكەنى جايلى حابارلاما العان. ونلاين ساناقتان وتكەن تاعى 393 942 ادام تۇركىستان وبلىسىندا تىركەلگەن. ۇزدىك ۇشتىكتى الماتى قالاسى تۇيىندەدى. مۇندا 356 180 ادام ساناق ساۋالدارىنا جاۋاپ بەردى.
بۇل كورسەتكىش بويىنشا ازىرگە سوڭعى ەكى ورىندى سولتۇستىك قازاقستان جانە ماڭعىستاۋ وبلىستارى ەنشىلەپ تۇر. بۇل وڭىرلەردە سايكەسىنشە 111 968 جانە 101 136 ادام ساناقتان ءوتىپتى.
ال جەرگىلىكتى حالىق سانىنا شاققانداعى ساناقتان وتكەندەردىڭ ۇلەسى بويىنشا قىزىلوردا وبلىسى الدا تۇر. مۇندا ازاماتتاردىڭ 34,8%-ى ساۋالدارعا جاۋاپ بەرگەن (1 تامىزداعى جاعداي بويىنشا وڭىردە 823 052 ادام تىركەلگەن). بۇل كورسەتكىش بويىنشا باتىس قازاقستان وبلىسى ەكىنشى ورىندا. مۇندا تۇرعىنداردىڭ 30,5%-ى بۇگىنگە دەيىن ساناقتان ونلاين رەجىمدە وتكەن (1 تامىزداعى جاعداي بويىنشا وڭىردە 749 754 ادام تىركەلگەن).
ۇلتتىق ستاتيستيكا بيۋروسى ازاماتتاردىڭ بەلسەندىلىگى ءۇشىن العىس ايتا وتىرىپ, ساناقتى ونلاين وتۋگە شاقىرادى. sanaq.gov.kz سايتى 15 قازانعا دەيىن تاۋلىك بويى قولجەتىمدى بولماق. ونلاين ساناقتان وتپەگەندەر 1-30 قازان ارالىعىندا ينتەرۆيۋەرلەردىڭ ساۋالدارىنا جاۋاپ بەرە الادى. بارلىق ساۋالدار بويىنشا 1446 بايلانىس ورتالىعىنا حابارلاسۋعا بولادى. قوڭىراۋ شالۋ تەگىن.
