اتالمىش ماراپات سونمەزگە «كىرىككالە قالاسىنىڭ دامۋىنا ۇلەس قوسقانداردى ماراپاتتاۋ ءراسىمى» اياسىندا «كىرىككالە قالاسىنىڭ تۇركيا مەن الەمگە اشىلعان برەندى» نوميناتسياسىندا تابىستالدى.
سالتاناتتى ماراپتتاۋ ءراسىمى تۇركيانىڭ كىرىككالە شاھارىندا مەديا, بيزنەس, ساياسات جانە قوعامدىق ۇيىم كوشباسشىلارىنىڭ قاتىسۋىمەن وتكىزىلدى.
«ماراپاتىمدى ماعان اردايىم دەمەۋ بولىپ كەلگەن اتا-اناما, اتاجۇرتىم – قازاقستان تاۋەلسىزدىگىنىڭ 30 جىلدىق مەرەيتويىنا, قازاقستاننىڭ تۇڭعىش پرەزيدەنتى – ەلباسى نۇرسۇلتان نازارباەۆقا جانە ءوزىمنىڭ دە قۇرمەتتى ازاماتى بولىپ تابىلاتىن ياساۋي اتامنىڭ قاسيەتتى شاھارى – تۇركىستانعا ارنايمىن. مەرەيتويىڭ قۇتتى بولسىن, تۇركى الەمىنىڭ جارىق جۇلدىزى, اتاجۇرتىم – قازاقستانىم!», دەدى فاتما سونمەز.
تۇركىستان قالاسىنىڭ قۇرمەتتى ازاماتى, «يەرلى دۇشۇنجە» جۋرنالىنىڭ تۇراقتى اۆتورى, ياساۋي مۇراسىن ناسيحاتتاۋشى, قوعام قايراتكەرى, قازاقستان مەن تۇركيانىڭ باۋىرلاستىعىن نىعايتۋ ماقساتىندا جۇزەگە اسقان كوپتەگەن حالىقارالىق جوبالاردىڭ اۆتورى فاتما سونمەز قازىرگى كەزدە تۇركيانىڭ كىرىككالە قالاسىنىڭ ياحشيحان اۋداندىق دەنساۋلىق ساقتاۋ دەپارتامەنتىنىڭ ديرەكتورى قىزمەتىن اتقارادى.
