ۆەدومستۆونىڭ تۇسىندىرمەسىنە سايكەس, قازاقستانداعى COVID-19-عا قارسى قولدانىلاتىن بارلىق ۆاكتسينالار رەسمي تۇردە تىركەلگەن. بۇل پرەپاراتتاردى ۋاقىتشا تىركەۋ تولىعىمەن زاڭدى جانە مەملەكەت باسشىسىنىڭ مۇلدەم باسقا جارلىعىنا نەگىزدەلگەن.
«COVID-19-عا قارسى ۆاكتسينالارعا ۋاقىتشا مەملەكەتتىك كۋالىكتى قر دسم مەديتسينالىق جانە فارماتسەۆتيكالىق باقىلاۋ كوميتەتى قازاقستان رەسپۋبليكاسىندا وندىرىلگەن سOVID-19 كوروناۆيرۋسىنا قارسى ۆاكتسينالاردى ۋاقىتشا مەملەكەتتىك تىركەۋ قاعيدالارىنا سايكەس قر ۇكىمەتىنىڭ 2020 جىلعى 15 جەلتوقسانداعى №850 قاۋلىسىنىڭ نەگىزىندە بەرەدى», دەپ حابارلادى مينيسترلىكتەن.
ماماندار كۆي-عا قارسى يممۋنداۋعا ارنالعان پرەپاراتتاردى ۋاقىتشا تىركەۋ 2020 جىلعى 7 شىلدەدەگى «حالىق دەنساۋلىعى جانە دەنساۋلىق ساقتاۋ جۇيەسى تۋرالى» كودەكستە دە كوزدەلگەنىن ءتۇسىندىردى. ءتيىستى نورمالار 6-باپتىڭ 9-تارماقشاسىندا جازىلعان.
«قر ۇكىمەتىنىڭ 2020 جىلعى 15 جەلتوقسانداعى №850 قاۋلىسى ءوز كۇشىن جويعان جوق, قاۋلىعا سوڭعى وزگەرىس 2021 جىلعى 15 ساۋىردە ەنگىزىلدى. ۆاكتسينالار, ونىڭ ىشىندە قازاقستانعا اكەلىنەتىن ۆاكتسينالاردىڭ ءاربىر سەرياسى ساپا باعالاۋىنان وتەتىنىن اتاپ ءوتۋ قاجەت, ونىڭ ناتيجەلەرى بويىنشا ءونىمنىڭ سايكەستىك سەرتيفيكاتى بەرىلەدى. ساپانى باعالاۋدى جۇرگىزۋ كەزىندە وندىرۋشىدەن الىنعان ۆاكتسينانىڭ ساپاسىن راستايتىن قۇجاتتار, رەتتەۋشى ورگاندار نارىققا سەريالاردى شىعارۋ ماقساتىندا ساپانى باقىلاۋدى جۇرگىزۋگە ۋاكىلەتتىك بەرگەن زەرتحانا سەرياسىنىڭ ساپا سەرتيفيكاتى مۇقيات زەردەلەنەدى», دەلىنگەن قر دەنساۋلىق ساقتاۋ مينيسترلىگىنىڭ جاۋابىندا.
وسىلايشا, قازاقستاندا كۆي-عا قارسى ۆاكتسينالاردىڭ تىركەلمەگەنى تۋرالى حابارلاما - قاۋەسەت. ءبىزدىڭ ەلىمىزدە COVID-19-عا قارسى يممۋنداۋ پرەپاراتتارىن ۋاقىتشا تىركەۋ تولىعىمەن زاڭدى.
