14 وبلىستىڭ چەمپيوندارى «استانا ارەنادا» ۇزدىك اۋىل كومانداسىن انىقتايدى. قاتىسۋشىلاردىڭ جاس ەرەكشەلىگى 8-9 جانە 10-11 جاس بولىپ ەكى ساناتقا بولىنەدى. ۇزدىك شىققاندار ماراپاتتالىپ, ەلورداعا ساياحاتتايدى. سونداي-اق ولار ۇلتتىق قۇرامانىنىڭ ويىنىن ستاديوننان تاماشالاپ, كەيىن فوتوسەسسيا جاسايدى. وسىلايشا, 28 كوماندانىڭ 350-گە جۋىق جاس جەتكىنشەگى فۋتبولعا قادام باسادى.
«ولاردىڭ ىشىندە ۇزدىك شىققان بالالاردى قازاقستان قۇراماسىنىڭ باس باپكەرى تالعات بايسۋفينوۆ پەن جاستار قۇراماسىنىڭ باپكەرى قايرات نۇرداۋلەتوۆ انىقتايدى. ءار كوماندادان كوزگە تۇسكەن اۋىل بالالارىن وبلىس ورتالىقتارىنداعى فۋتبول مەكتەپتەرىنە الدىرتامىز. شالعايدا جاتقان اۋىل بالالارىنىڭ فۋتبولشى بولۋعا ءبىر مۇمكىندىگى اشىلادى», دەپ جازدى سپورت ءجۋرناليسى ەرمۇحامەد ماۋلەن.
اتالعان جوبا 2022 جىلى ءساۋىر ايىنا قاراي باستالادى. ءبىر كوماندا ساپىندا 1 قاقپاشى, 5 ويىنشى بولادى. جارىسقا بىرنەشە اۋىل بىرىگىپ, قۇراما كوماندا جاساپ شىعارسا دا بولادى. بىراق, 14 فۋتبولشىدان تۇراتىن ءوتىنىشتى جارىس اياقتالعانشا ساقتاۋى ءتيىس.
