ايماقتار • 21 قىركۇيەك، 2021

تۇركىستان قالاسىنىڭ اۋماعى ۇلعايدى

85 رەت كورسەتىلدى

تۇركىستان قالاسىنىڭ اۋماعى 19 627 گەكتاردان 22 370 گەكتارعا ۇلعايدى، دەپ حابارلايدى Egemen.kz تۇركىستان وبلىسى اكىمدىگىنىڭ رەسمي سايتىنا سىلتەمە جاساپ.

باس جوسپار بويىنشا قالانىڭ دامۋ ساتىلارى بەلگىلەنگەن. العاشقىسى 2020 جىلى باستالىپ، 2025 جىلى اياقتالادى دەپ جوسپارلانعان. ەكىنشى كەزەڭى – 2035 جىلى، ءۇشىنشى كەزەڭى - 2050 جىلى اياقتالادى.

2025 جىلعا دەيىن قالا تۇرعىندارىنىڭ سانىن 250 مىڭعا دەيىن، 2035 جىلعا قاراي - 350 مىڭ ادامعا دەيىن جەتەدى. 2050 جىلى - 500 مىڭ بولادى. 200 مىڭعا جۋىق تۇرعىنى بار تۇركىستاننىڭ دامۋ مۇمكىندىكتەرى اۋقىمدى. قالا اۋماعىندا وندىرىستىك، كوممۋنالدىق جانە ينفراقۇرىلىم قىزمەتىن قامتاماسىز ەتەتىن نىسانداردى ورنالاستىراتىن ايماقتار بەلگىلەنىپ، بەكىتىلگەن. بۇل ءوز كەزەگىندە تۇركىستاننىڭ ينۆەستورلار ءۇشىن تارتىمدىلىعىن ارتتىرا تۇسەدى. تۋريزم جانە ونەركاسىپ – تۇركىستان دامۋىنىڭ نەگىزگى ەكى باعىتى. قالانىڭ ءبىر جىلدا ميلليوننان استام ءتۋريستتى قابىلداۋعا مۇمكىندىگى بار. كەلەشەكتە بۇل كورسەتكىشتى 5 ميلليونعا جەتكىزۋ جوسپارلانىپ وتىر.



سوڭعى جاڭالىقتار

ۇقساس جاڭالىقتار