ەلوردا • 21 قىركۇيەك، 2021

ەلوردادا جىلىتۋ ماۋسىمى 23 قىركۇيەكتە باستالادى

23 رەت كورسەتىلدى

نۇر-سۇلتان قالاسىنىڭ اكىمى التاي كولگىنوۆ ەلوردادا 2021-2022 جىلدارداعى جىلۋ بەرۋ ماۋسىمىنىڭ باستالۋى تۋرالى قاۋلىعا قول قويدى، دەپ جازادى Egemen.kz

قاۋلىعا سايكەس، نۇر-سۇلتاندا 2021-2022 جىلدارداعى جىلۋ بەرۋ ماۋسىمى 23 قىركۇيەكتەن باستالادى.

ەسكە سالا كەتەيىك، ەلوردادا كەيبىر الەۋمەتتىك نىساندار وتىنىشتەر نەگىزىندە جىلۋ بەرۋ جۇيەسىنە قوسىلعان بولاتىن. ونىڭ ىشىندە مەديتسينالىق مەكەمەلەر، ءبىلىم بەرۋ نىساندارى، بالاباقشالار جانە ت.ب. الەۋمەتتىك نىسانداردىڭ دايىندىعى 100% قۇرايدى.

سونداي-اق ەلدى مەكەندەردى گازداندىرۋ، جىلۋ ەلەكتر ورتالىقتارىن جاڭعىرتۋ، جەو سۋ جىلىتۋ قازاندىقتارىن گازعا اۋىستىرۋ جۇمىستارى جالعاسىپ جاتىر. جەكە سەكتور تۇرعىندارى ءۇشىن قالانىڭ بارلىق اۋدانىندا كومىر ساتاتىن كومپانيالار بەلگىلەندى.

«قاتتى وتىندى ساتىپ الۋ كەزىندە دۇرلىگۋگە جانە الىپساتارلىققا جول بەرمەس ءۇشىن قويمالاردا جەتكىلىكتى قور كولەمى بار»، دەپ جازادى قالا اكىمدىگىنىڭ رەسمي سايتى.

بيىل «كوكتال-1»، «كوكتال-2»، «تەمىرجولشىلار»، «اگروقالاشىق» ەلدى مەكەندەرىنىڭ تۇرعىندارى گازعا قوسىلدى. قاراشا ايىنا دەيىن وڭتۇستىك-شىعىس، پرومىشلەننىي، اگروقالاشىق (قوسىلماعان بولىك) ەلدى مەكەندەرىنىڭ تۇرعىندارى گازعا قوسىلۋ مۇمكىندىگىن الادى. سونداي-اق «قازترانسگاز ايماق» اق كۇيگەنجار، ميچۋرينو، ينتەرناتسيونالنىي ەلدى مەكەندەرىندە گازبەن جابدىقتاۋ جەلىلەرىنىڭ قۇرىلىسى ءجۇرىپ جاتىر. بۇل ەلدى مەكەندەردى جىل سوڭىنا دەيىن گازبەن قامتاماسىز ەتۋ جوسپارلانعان.

سوڭعى جاڭالىقتار

تاعى 1650 قازاقستاندىق ىندەت جۇقتىردى

كوروناۆيرۋس • بۇگىن، 09:00

سوفيادان ولجالى ورالدى

سپورت • بۇگىن، 08:40

ۇقساس جاڭالىقتار