وبلىس اكىمى عالي ەسقاليەۆ پاتەر يەلەرىنە كىلتىن تابىستاپ, ىزگى لەبىزىن ءبىلدىردى.
ء«بارىڭىزدى قۇتتىقتايمىن! جاڭا پاتەر وتباسىلارىڭىزعا تەك قۋانىش پەن كۇلكى سىيلاسىن!», دەدى ايماق باسشىسى.
ورال قالاسىندا ۇلكەن پانەلدى سحەما بويىنشا 9 قاباتتى كوپ پاتەرلى تۇرعىن ءۇيدىڭ قۇرىلىسى 2019 جىلى باستالدى, ونىڭ قۇنى 2 ميلليارد تەڭگەدەن اسادى. تۇرعىن ءۇيدىڭ جالپى اۋدانى 16 مىڭ شارشى مەتردەن اسادى. ۇيدە 81 ءبىر بولمەلى پاتەر, سونىمەن قاتار 99 ەكى بولمەلى جانە 18 ءۇش بولمەلى پاتەر بار. باتىس قازاقستان وبلىسىندا بيىل بارلىعى 302 مىڭ شارشى مەتر تۇرعىن ءۇي پايدالانۋعا بەرىلدى.
