تاڭبالاۋ كودىن الۋ ءۇشىن تاڭبالاۋ جۇيەسىنىڭ اجىراماس بولىگى بولىپ تابىلاتىن markirovka.kz تاۋارلاردىڭ ۇلتتىق كاتالوگىندا (نكت) بۇيىمنىڭ ءاربىر تۇرىنە كارتوچكانى تولتىرۋ قاجەت.
تاڭبالاۋدىڭ كودى تاۋاردىڭ وندىرۋشىدەن نەمەسە يمپورتتاۋشىدان سوڭعى تۇتىنۋشىعا دەيىنگى بارلىق جولىن قاداعالاۋعا مۇمكىندىك بەرەدى. تۇتىنۋشىنىڭ ءوزى Naqty Onim ءموبيلدى قوسىمشاسىنىڭ كومەگىمەن ءونىمنىڭ تۇپنۇسقالىعىن تەكسەرە الادى.
اياق كيىمنىڭ ءار جۇبىنىڭ وزىندىك ساندىق كودى بولادى, بۇل نارىقتى كونترافاكت پەن كونتراباندادان تازارتادى.
Data Matrix كودىنا «تىگىلگەن» اقپاراتتى قولدان جاساۋ مۇمكىن ەمەس. تاڭبالاۋدىڭ بىرەگەي كودىن جاساۋ نكت-دا تاۋاردىڭ بارلىق سيپاتتامالارى كورسەتىلگەن كارتوچكانى تولتىرعاننان كەيىن جۇزەگە اسىرىلادى.
تاۋار كارتاسىن قۇرۋدىڭ بەس قادامى:
- ەتسق-نى egov.kz سايتىندا ونلاين الۋ.
- NCALayer باعدارلاماسىن جۇكتەپ الىپ, ونى كومپيۋتەرگە ورناتىڭىز.
- مarkirovka.kz تاڭبالاۋ جۇيەسىنە تىركەلۋ.
- «تاۋارلاردىڭ ۇلتتىق كاتالوگى» بولىمىندە «تاۋار كارتوچكاسى» قوسىمشا بەتىنە ءوتىپ, بۇيىم تۋرالى نەگىزگى مالىمەتتەردى ەنگىزۋ قاجەت: مودەلى, شىعارىلعان ەلى, اياق كيىم ءتۇرى, ۇستىڭگى, استىڭعى جانە استىڭعى قاباتى ماتەريالىنىڭ ءتۇرى, برەندى, ءتۇسى جانە باسقا دا اقپارات.
- اياق كيىمنىڭ الدىڭعى جاعىن سۋرەتكە ءتۇسىرىپ, جۇكتەۋ.
ەگەر ءوندىرۋشى نەمەسە يمپورتتاۋشى وسى ءونىم مودەلى تۋرالى دەرەكتەردى ەنگىزگەن بولسا, اقپاراتتى قايتا ەنگىزۋدىڭ قاجەتى جوق. اينالىمنىڭ ءار قاتىسۋشىسىنىڭ جەكە ساندىق تاۋارلار كاتالوگى جاسالادى.
ساتىلاتىن ونىمدەر تۋرالى دەرەكتەردى ەنگىزۋ مۇمكىندىگى تاڭبالاۋ جۇيەسىنىڭ ءونىمدى نۇسقاسىندا قول جەتىمدى.
سونداي-اق, بارلىق پروتسەستەردى, سونىڭ ىشىندە Data Matrix كودتارىن الدىن-الا دايىنداۋعا بولاتىن سىناق ورتاسى بار. وسىلايشا تاپسىرىس بەرىلگەن كودتار دا سىناقتان وتەدى. تەست-نۇسقاسى سىلتەمە بويىنشا قولجەتىمدى.
