اعىلشىن ءتىلىن ۇيرەتەتىن ورتالىقتاردىڭ جۇمىسى جاندانا باستادى. وبلىس ورتالىعىندا عانا ەمەس, شالعايداعى شاعىن اۋىلداردا دا ءتىل ۇيرەتەتىن ورتالىقتاردىڭ اقىسى دا تىم قىمبات ەمەس, نەبارى 6 مىڭ تەڭگەنىڭ توڭىرەگىندە. Jas Otan جاستار قاناتى «بولاشاق» قاۋىمداستىعىمەن بىرلەسىپ, اعىلشىن ءتىلىن ۇيرەنۋدىڭ جاڭا جوباسىن ۇسىنۋدا. جوبانى ىسكە اسىرۋدىڭ تاجىريبەدەن وتكىزىلگەن تولىمدى ءتاسىلى – 6-9 سىنىپ وقۋشىلارى ءۇشىن اپتاسىنا ءۇش رەت اعىلشىن ءتىلىنىڭ قوسىمشا كۋرستارىن وتكىزۋ. ءبىر ايتا كەتەرلىگى, ءتىل ۇيرەنۋ ساباقتارىندا وقۋشىنىڭ وي-ءورىسىن كەڭەيتەتىن ءارى قىزعىلىقتى تانىمدىق ويىندار مەن ترەنينگتەر وتكىزۋ جوسپارلانعان.
– English for jastar جوباسى بويىنشا اعىلشىن ءتىلىن ۇيرەنۋ ساباقتارى قولعا الىنىپ وتىر, – دەيدى اقكول ورتا مەكتەبى ديرەكتورىنىڭ ورىنباسارى گاۋھار قابدولوۆا. – تىڭ ءدارىس مەكتەپ وقۋشىلارىنا وتە ۇنايدى. بالالاردىڭ ءتىلدى مەڭگەرۋگە دەگەن ىقىلاسى دا جاقسى. ءومىردىڭ ءوزى تالاپ ەتىپ وتىرعان ۇردىستەن شەت قالماعانىمىز وڭ ەمەس پە؟
Jas Otan جاستار قاناتى وبلىستىق فيليالىنىڭ ادىسكەرى الەكساندرا گومونوۆانىڭ ايتۋىنا قاراعاندا, جوبا جۇمىسى وتكەن اپتادا باستالعان. اۋىل مەكتەپتەرىنىڭ جوعارىدا اتالعان سىنىپتارىن قامتىماق. نەگىزگى ماقسات – اعىلشىن تىلىندە بىلىمدەرىن جەتىلدىرۋ. جوباعا ون اۋداننان 15 ەرىكتى جۇمىلدىرىلىپ وتىر.
– بۇل جوبا بالالارعا اعىلشىن ءتىلىن ۇيرەتۋ ءۇشىن قولعا الىنىپ وتىر, – دەيدى جوبا ەرىكتىسى ءمولدىر بولات. – بالالاردىڭ قىزىعۋشىلىعىن ارتتىرۋ ءۇشىن اعىلشىن تىلىندەگى تانىمدىق فيلمدەر دە كورسەتىلەدى, اندەر دە تىڭدالادى.
اۋىل مەن قالا مەكتەپتەرىنىڭ اراسىنداعى ءبىر ايىرماشىلىقتىڭ, انىعىراق ايتقاندا, ءبىر ولقىلىقتىڭ ورنى وسىلاي تولىقتىرىلماق. ءوز انا تىلدەرىن جاپ-جاقسى بىلەتىن اۋىل بالالارى زامان تالابىنا ساي اعىلشىن تىلىندە ءتىل سىندىرىپ جاتسا نەسى ايىپ؟! جوبا الداعى ۋاقىتتا كەڭىرەك قانات جايۋ ءۇشىن ەل ەرتەڭىن ويلايتىن ەرىكتىلەر دە تارتىلماق.
اقمولا وبلىسى
