وبلىس اكىمى گۇلشارا ابدىقالىقوۆا جارمەڭكەنى ارالاپ, جۇرتشىلىقپەن تىلدەستى. جاۋاپتىلارعا جەرگىلىكتى ونىمدەردىڭ ساپاسى مەن باعاسىن قاداعالاپ, ساتۋشى مەن الۋشىعا ءتيىمدى ساۋدالانۋىن قاداعالاۋدى تاپسىردى. حالىقتى ارزان ونىممەن قامتۋ ماقساتىندا ۇيىمداستىرىلعان ساۋدا سورەلەرىنەن تۇرعىندار بالىق, قۇرت, ىرىمشىك, كۇرىش, كوكونىس پەن جەمىس-جيدەكتەردى ارزان باعادا ساتىپ الدى.
شيەلىلىكتەر وبلىس ورتالىعىنا 47 كولىككە تيەلگەن 36 توننا اق كۇرىش, 63 توننا كوكونىس, 73 توننا باقشا ونىمدەرىن, 61 توننا كارتوپ جەتكىزىپتى. ولار بازار باعاسىنان 10-15 پايىز ارزان ساتىلدى.
وبلىس اكىمى تاعزىم الاڭىندا قىزىلوردا قالاسىنداعى شارۋا قوجالىقتارىنىڭ جارمەڭكەسىنە دە قاتىستى. مۇندا قالاعا قاراستى كەنت پەن اۋىلدىق وكرۋگتەر, اۋىل شاراشىلىعى قۇرىلىمدارى, كاسىپكەرلەر مەن «بايقوڭىر» اكك» ۇق» اق اكەلگەن 16,5 توننا كارتوپ, 9,6 توننا ءسابىز, 7,5 توننا جۋا, 20 توننا كۇرىش, 4,3 توننا سيىر ەتى, 1,1 توننا جىلقى ەتى ساۋدالاندى.
قىركۇيەكتەن باستالعان وسى جارمەڭكە جەلتوقسانعا دەيىن جالعاسىپ, وبلىس ورتالىعىنا ءار اپتا سايىن اۋدانداردان اۋىل شارۋاشىلىعى ونىمدەرى كەرۋەنى جەتكىزىلەدى.
قىزىلوردا
