وقيعا • 20 قىركۇيەك، 2021

الماتىداعى اتىس تۋرالى جاڭا دەرەكتەر انىقتالدى

364 رەت كورسەتىلدى

بۇل تۋرالى الماتى قالاسى پد-ءى باستىعىنىڭ ورىنباسارى رۋستام ءابدىراحمانوۆ مالىمدەدى، دەپ جازادى Egemen.kz.

ونىڭ ايتۋىنشا، بۇگىن سوت قاۋلىسىن ورىنداۋ بارىسىندا 5 ادام قازا تاپتى، ونىڭ ەكەۋى پوليتسيا قىزمەتكەرى. قايعىلى جاعداي ساعات 17.00 شاماسىندا بولدى.

«سوت قاۋلىسى بويىنشا م ۇلىكتى ەكى تاراپ اراسىندا ءبولۋ كوزدەلگەن. سوت قاۋلىسىن ورىنداۋ بارىسىندا باسپانادان شىعارىلاتىن ازامات ۇيىنە جۇگىرىپ بارىپ، تىركەلگەن اڭعا ارنالعان قارۋدان سول جەردەگى ادامدارعا وق جاۋدىردى. قازا تاپقان ادامنىڭ ءبىرى م ۇلىكتى يەلەنەتىن جاڭا قوجايىن بولعان»، دەدى ول.

اتالعان جاعداي بويىنشا سوتقا دەيىنگى تەرگەۋ امالدارى باستالعان. كىنالى ادام 20 جىلعا دەيىن نەمەسە ءومىر بويىنا باس بوستاندىعىنان ايىرىلۋى مۇمكىن.

«ارنايى جاساقتىڭ كومەگىمەن كۇدىكتى ۇستالدى. ول جەردە ايەل مەن كامەلەتتىك جاسقا تولماعان بالالار بولعاندىقتان ءبىزدىڭ تاراپتان قارۋ قولدانىلمادى. وقيعا ورنىن پوليتسيا قورشاۋعا الدى، وسى ماڭداعى ادامداردىڭ ومىرىنە ەشقانداي قاۋىپ جوق»، دەدى رۋستام ءابدىراحمانوۆ.

ايتا كەتسەك، بۇعان دەيىن الماتى قالاسى الاتاۋ اۋدانىنداعى «اقبۇلاق» شاعىناۋدانىندا اتىس بولىپ، بەس ادام قازا تاپقانىن حابارلاعانبىز.

قازا تاپقاندار اراسىندا ەكى پوليتسيا، سوت ورىنداۋشى جانە ەكى بەيبىت ازامات بولعان.

سوڭعى جاڭالىقتار

6 ءوڭىر «جاسىل» ايماقتا تۇر

كوروناۆيرۋس • كەشە

دەپۋتاتتى پىشاقتاپ كەتتى

الەم • 15 قازان، 2021

شەتەلدىك ۆاكتسينالار اقىلى بولادى

كوروناۆيرۋس • 15 قازان، 2021

ۇقساس جاڭالىقتار