ءبىلىم • 20 قىركۇيەك، 2021

اسحات ايماعامبەتوۆ پەرم ۋنيۆەرسيتەتىندەگى وقىس وقيعاعا بايلانىستى كوڭىل ءبىلدىردى

49 رەت كورسەتىلدى

قازاقستان رەسپۋبليكاسىنىڭ ءبىلىم جانە عىلىم ءمينيسترى اسحات ايماعامبەتوۆ پەرم ۋنيۆەرسيتەتىندەگى اتىس سالدارىنان قازا تاپقانداردىڭ تۋىستارى مەن جاقىندارىنا كوڭىل ايتتى، دەپ حابارلايدى Egemen.kz.

«زارداپ شەككەندەردىڭ تەز ساۋىعىپ كەتۋىن تىلەيمىن. قازان مەكتەبىندە بولعان تەراكت كەزىندە قازا تاپقانداردىڭ جاقىندارىنىڭ جارالارى دا ءالى جازىلا قويمادى. بۇل قايعىلى وقيعالار ەلىمىزدەگى مەكتەپتەردە، كوللەدجدەردە جانە جوعارى وقۋ ورىندارىندا بالالاردىڭ قاۋىپسىزدىگىن جاقسارتۋ قانشالىقتى ماڭىزدى جانە اسا قاجەت ەكەنىن كورسەتەدى. ولاردىڭ قاۋىپسىزدىك ماسەلەسى ءبىلىم بەرۋ مەكەمەسىنىڭ ءاربىر باسشىسىنىڭ باستى مىندەتى بولۋى ءتيىس. مەملەكەت باسشىسى قاسىم-جومارت توقاەۆ ءبىلىم بەرۋ ۇيىمدارىنىڭ قاۋىپسىزدىگىن قامتاماسىز ەتۋ بويىنشا تاپسىرمالار بەرىپ قويعان. سونداي-اق، بۇل ماسەلە ۇكىمەت وتىرىسىندا دا جان-جاقتى قارالىپ، اكىمدىكتەر مەن مەملەكەتتىك ورگاندارعا ءتيىستى تاپسىرمالار بەرىلدى»، دەدى اسحات ايماعامبەتوۆ.

ونىڭ ايتۋىنشا، جوعارى وقۋ ورىندارىنىڭ باسشىلىعىنا وقۋ عيماراتتارىندا دا، جاتاقحانالاردا دا قاۋىپسىزدىكتى كۇشەيتۋ بويىنشا مىناداي جەكە نۇسقاۋلىق بەرىلدى: جابدىقتارعا تۇگەندەۋ جۇرگىزۋ، ورتالىقتان باسقارىلاتىن بەينەكامەرالارمەن قامتاماسىز ەتۋ، كىرىپ-شىعۋدىڭ باقىلاۋ رەجيمىن كۇشەيتۋ. ۋنيۆەرسيتەتتەردە جانە توتەنشە جاعدايلاردا قالاي ارەكەت ەتۋ كەرەكتىگىن ۇيرەتەتىن ساباقتار وتكىزۋ.

ول مينيسترلىك باسقا مەملەكەتتىك ورگاندارمەن بىرگە ءبىلىم بەرۋ وبەكتىلەرىن تەرروريزمگە قارسى قورعاۋدى ۇيىمداستىرۋ تۋرالى قۇجات ازىرلەگەنىن اتاپ ءوتتى. بۇل قۇجات جوباسىن قوعامدىق تالقىلاۋ كەزىندە ءبىلىم جانە عىلىم مينيسترلىگىنە  2 مىڭنان استام سۇراقتار مەن تۇسىنىكتەمەلەر كەلىپ تۇسكەن.

«قۇجات كەيبىر ازاماتتاردىڭ الاڭداۋشىلىعىن تۋعىزدى، ولار دابىل تۇيمەلەرىن، بەينەباقىلاۋ جۇيەسىن، تۋرنيكەتتەردى ورناتۋعا جانە توتەنشە جاعدايلار كەزىندەگى ارەكەتتەر بويىنشا جاتتىعۋلار وتكىزۋگە قارسى ەكەنىن جازدى. بىراق مەن بۇل شارالاردىڭ بارلىعى وقۋشىلاردىڭ قاۋىپسىزدىگىن قامتاماسىز ەتۋگە، مۇنداي جاعدايلاردىڭ الدىن الۋعا باعىتتالاتىنىن ايتىپ جاۋاپ بەرەمىن. ءار وقۋ ورنىندا بارلىق قاۋىپسىزدىك شارالارى قولدانىلۋى كەرەك. اكىمدىكتەر بۇل ماسەلەنى كەشەندى تۇردە شەشۋ ءۇشىن قوسىمشا قاراجات بولەدى»، دەپ جازدى مينيستر.

بۇل - بەينەباقىلاۋ كامەرالارى، كۇزەتتىڭ دابىلداعىشتارى، دابىل تۇيمەلەرى، كامەرالاردى ىشكى ىستەر بولىمدەرىنىڭ جەدەل باسقارۋ ورتالىقتارىنا بايلانىستىرۋ، كىرىپ-شىعۋدى باقىلاۋ رەجيمى جانە قاۋىپسىزدىك جۇيەسىنىڭ باسقا ەلەمەنتتەرىنە قاتىستى.

«تەحنيكالىق شارالاردان باسقا، قىزمەتكەرلەر مەن ءدارىس الۋشىلاردىڭ توتەنشە جاعدايلاردا ارەكەت ەتۋگە قاتىستى ءبىلىمى مەن دايىندىعى دا ماڭىزدى. ءبىلىم بەرۋ ۇيىمدارىندا تاربيە جۇمىسىن كۇشەيتۋ ماسەلەسى وتە وزەكتى. ءبىز بۇل اسپەكتكە ەرەكشە ءمان بەرەمىز»، دەدى ول.

سوڭعى جاڭالىقتار

6 ءوڭىر «جاسىل» ايماقتا تۇر

كوروناۆيرۋس • بۇگىن، 09:20

ۇقساس جاڭالىقتار