الەمنىڭ 188-راكەتكاسى ىرىكتەۋ سايىستارىنىڭ فينالىندا دۇنيەجۇزىلىك رەيتينگتە 243-ورىندا تۇرعان تاجىريبەلى اۋستراليالىق, 33 جاستاعى مەتتيۋ ەبدەنمەن كۇش سىناستى.
ءبىرىنشى پارتيادا اۋستراليالىق تەننيسشى باسىمدىلىق كورسەتتى – 6:3. ەكىنشى جانە ءۇشىنشى سەتتە د.پوپكو ءوز شەبەرلىگىن تانىتا ءبىلدى – 6:3, 6:4. 2 ساعات 4 مينۋتقا سوزىلعان تارتىستى باسەكە بارىسىندا قازاقستاندىق سپورتشى 5 ەيس جاساپ, 15 برەيك-پوينتتىڭ ۇشەۋىن عانا پايدالاندى. قارسىلاسى 3 ەيس, 2 برەيكتەن اسا المادى.
وسىلايشا د.پوپكو Astana Open ATP 250 جارىسىندا ونەر كورسەتەتىن قازاقستاندىقتار الەكساندر بۋبليك, ميحايل كۋكۋشكين جانە تيموفەي سكاتوۆتىڭ قاتارىنا قوسىلدى.
سونداي-اق نەگىزگى كەزەڭگە وتۋدەن دەنيس ەۆسەەۆ تە ءۇمىتتى. ول ءۇشىن بۇگىن ىرىكتەۋ سايىستارىنىڭ فينالىندا اۋستراليالىق مارك پولمانستى ۇتۋى كەرەك.
ت.سكاتوۆ بۇگىن تاعى ءبىر تىسقاققان ويىنشى, يتاليالىق اندەاس سەپپيمەن كورتقا شىعادى.
