نۇر-سۇلتان قالاسىنىڭ باس مەملەكەتتىك سانيتارلىق دارىگەرىنىڭ قاۋلىسىنا سايكەس, بۇقارالىق, سونىڭ ىشىندە سپورتتىق ءىس-شارالاردى وتكىزۋگە تىيىم سالىنادى. سوندىقتان بيىلعى جارىسقا قاتىسۋشىلار سانى شەكتەۋلى بولماق. ال كۆي-گە قارسى ۆاكتسيناتسيادان وتكەن جەلاياقتارعا قاتىسۋعا رۇقسات ەتىلەدى (ۆاكتسيناتسيا تەك ەرەسەك قاتىسۋشىلار ءۇشىن).
Astana Marathon 2021 اياسىندا ەكى قاشىقتىق كوزدەلەدى: 18 جانە ودان جوعارى جاستاعى قاتىسۋشىلار ءۇشىن 42,2 كم, ال 16 جانە ودان جوعارى جاستاعى قاتىسۋشىلار ءۇشىن 10 كم. مارافونعا قاتىسۋ ءۇشىن تىركەلۋدى 23 قىركۇيەك ساعات 00:00-گە دەيىن www.astana42k.com سايتىنان ونلاين وتۋگە بولادى.
ايتا كەتۋ كەرەك, بيىلعى مارافون وعان قاتىسۋشىلار ءۇشىن ەرەكشە بولماق, ويتكەنى بيىل ول «قولا» ستاتۋسىنا يە.
Bronze Label Road Races 2019 جىلعى قاراشادا World Athletics ۇيىمى تاراپىنان بەرىلىپ, تمد اۋماعىندا Astana Marathon وسىنداي ستاتۋسقا يە بولعان العاشقى جانە جالعىز مارافون جاسادى. 2018 جىلدان باستاپ Astana Marathon حالىقارالىق مارافوندار مەن جەلاياقاتار قاۋىمداستىعىنىڭ (AIMS) مۇشەسى, 2020 جىلدان باستاپ Abbott World Marathon Majors Wanda Age Group جاس ەرەكشەلىك توپتارىندا مارافوننان الەم چەمپيوناتىنىڭ بىلىكتىلىك مارافوندار توبىنا ەندى.
ەستەرىڭىزگە سالا كەتەيىك, ءىس-شارا قايىرىمدىلىق شاراسى بولىپ سانالادى. وسىلايشا, 2009 جىلدان باستاپ Astana Marathon ۇيىمداستىرۋشىلارى قازاقستاندىق قايىرىمدىلىق ۇيىمدارى ءۇشىن 37 ملن تەڭگەدەن استام قاراجات جينادى.
