ايماقتار • 19 قىركۇيەك، 2021

ماڭعىستاۋ وبلىسىنا مال ازىعى جەڭىلدەتىلگەن تاريفپەن جەتكىزىلەدى

27 رەت كورسەتىلدى

«قازاقستان تەمىر جولى» ۇك» اق ماڭعىستاۋ وبلىسى اكىمدىگىنىڭ سۇرانىسى بويىنشا وسى جىلدىڭ ءبىرىنشى قاراشاسىنا دەيىن جەم-ءشوپ تاسىمالداۋعا جەڭىلدىك تاريفتەرىن ەنگىزۋ تۋرالى شەشىم قابىلدادى.  بۇل تۋرالى ماڭعىستاۋ وبلىسى اكىمىنىڭ ءباسپاسوز قىزمەتى حابارلادى، دەپ جازادى Egemen.kz.

2021 جىلدىڭ 20 قىركۇيەگىنەن باستاپ 2021 جىلدىڭ 31 قازان ارالىعىندا «قتج-جۇك تاسىمالى» جشس – «ماڭعىستاۋ جك بولىمشەسى» فيليالىنىڭ ستانتسياسىندا رەسپۋبليكالىق قاتىناستا امبەباپ مەنشىكتى ۆاگوندارمەن بيداي كەبەگىن، قۇراما جەمدى، ارپانى، استىق قالدىقتارىن، كۇنجارانى، جەمشوپ ۇنتاعىن، تاماق ونەركاسىبىنىڭ قالدىقتارىن تاسىمالداۋ مىناداي تارتىپپەن ەسەپتەلەدى:

1) ماگيسترالدىق تەمىر جول جەلىسى قىزمەتتەرىنىڭ تاريفتەرى قر تابيعي مونوپوليالاردى رەتتەۋ كوميتەتى بەلگىلەگەن ەسەپتەۋ تارتىبىنە سايكەس تولىق كولەمدە ەسەپتەلەدى;

2) لوكوموتيۆتىك تارتىم قىزمەتى مەن جۇك جانە كوممەرتسيالىق جۇمىس قىزمەتتەرىنىڭ تاريفتەرى 0،01 كوەففيتسيەنتىمەن ەسەپتەلەدى;

3) «قازتەمىرترانس» اق ۆاگوندارى ءۇشىن جۇمىس مولشەرلەمەسى 0،01 كوەففيتسيەنتىن قولدانا وتىرىپ ەسەپتەلەدى;

4) باسشىلىقتا بەلگىلەنگەن جۇكتەردى تاسىمالداۋعا بايلانىستى قوسىمشا قىزمەتتەر ءۇشىن 0،01 كوەففيتسيەنتىن قولدانا وتىرىپ ەسەپتەلەدى;

5) ماگيسترالدى، ستانتسيالىق جولداردا مەنشىكتى ۆاگونداردىڭ ايالداعانى ءۇشىن تولەم 0،01 كوەففيتسيەنتىن قولدانا وتىرىپ ەسەپتەلەدى.

0،01 كوەففيتسيەنتى دەگەنىمىز-تومەندەتىلگەن جەڭىلدىك ءتاريفى. تاسىمالداۋ ءتىزىمىنىڭ سوماسى بەلگىلەنگەن ەسەپتەۋ تارتىبىنە سايكەس جۇرگىزىلەدى. ياعني 0،01 كوەففيتسيەنتى تاسىمالداۋشىنىڭ تىزىمىندە كورسەتىلگەن جۇكتىڭ سانىنا كوبەيتىلەدى. ناتيجەسىندە جەتكىزىلگەن تاۋاردىڭ ەڭ تومەنگى ەسەبى شىعادى.

مىسالى، قۇراما جەم تيەلگەن ۆاگون قوستاناي-ماڭعىستاۋ باعىتى بويىنشا جىبەرىلەتىن بولسا، ستاندارتتى تاريفتەر بويىنشا تاسىمالداۋ قۇنى شامامەن 420 مىڭ تەڭگەنى قۇرايدى. 0،01 تومەندەتىلگەن جەڭىلدىكتى تاريفپەن ەسەپتەۋلەر بويىنشا وسى مارشرۋت بويىنشا جەتكىزۋ سوماسى شامامەن 100 مىڭ تەڭگە.

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار