كينو • 18 قىركۇيەك، 2021

ايدا بالاەۆا «قورقىت اتا» تەلەحيكاياسىنىڭ شىعارماشىلىق توبىمەن كەزدەستى

48 رەت كورسەتىلدى

قر اقپارات جانە قوعامدىق دامۋ ءمينيسترى ايدا بالاەۆا «قورقىت اتا» تەلەحيكاياسى شىعارماشىلىق توبىنىڭ مۇشەلەرىمەن كەزدەستى، دەپ جازادى Egemen.kz ۆەدومستۆونىڭ ءباسپاسوز قىزمەتىنە سىلتەمە جاساپ.

«وسى جىلدىڭ باسىندا تۇركياعا رەسمي ساپارمەن بارعاندا، بىرقاتار ورتاق كەلىسىمدەرگە قول جەتكىزگەن ەدىك. سونىڭ ءبىرى – تۇركى جۇرتىنا ورتاق تاريحي تۇلعالار تۋرالى سەريالدار ءتۇسىرۋ. قورقىت اتا – تۇركى الەمىنىڭ ەڭ ۇلى تۇلعالارىنىڭ ءبىرى، بارلىق تۇركى حالقىنا ورتاق تۇلعا، ورتاق مۇرا. سوندىقتان بۇل تۋىندى تەك ءبىزدىڭ كورەرمەندەرگە عانا ەمەس، باسقا دا ەلدەردە ۇلكەن سۇرانىس اكەلەدى دەپ سەنەمىن. تۇركيا، ءازىربايجان، وزبەكستان ەلدەرىن وسى جوباعا شاقىرىپ، ارىپتەستىك ورناتۋ جونىندە ۇسىنىس جاسادىق. قازىر ءتيىستى كەلىسسوزدەر ءجۇرىپ جاتىر»، دەدى مينيستر ا.بالاەۆا تەلەحيكايانىڭ شىعاراشىلىق توبىمەن كەزدەسۋدە سويلەگەن سوزىندە.

جوبا پروديۋسەرى - شولپان باتىرباەۆا. باس كەڭەسشىسى – ونەرتانۋشى، ەتنوگراف بەرىك ءجۇسىپوۆ.

«Qazaqstan تەلەراديوكورپوراتسياسى» اق باسقارما ءتورايىمى ءلاززات تانىسبايدىڭ ايتۋىنشا، بيىل تەلەحيكايانىڭ تەك ستسەناريى جازىلادى.

وتىرىسقا عالىم، ونەرتانۋشى، ەتنوگراف، فولكلورتانۋشى تىنىسبەك قوڭىراتباەۆ، پروفەسسور، قينوسىنشى دارەجان ومىرباەۆ، جۋرناليست، اۋدارماشى، ادەبيەتتانۋشى ءاليا بوپەجانوۆا، ت.جۇرگەنوۆ اتىنداعى قازۇوا پروفەسسورى، كينوتانۋشى گۇلجان ناۋرىزبەكوۆا، تمد جۋرناليستەر كونفەدەراتسياسى سىيلىعىنىڭ لاۋرەاتى، قازاقستاننىڭ ەڭبەك سىڭىرگەن قايراتكەرى، تەلەراديوكورپوراتسيا ارداگەرى قاينار ولجاي، ونەرتانۋشى، پروفەسسور ساعاتبەك قاليەۆ، ستسەناريست بەكزات مىرزاحمەت قاتىستى.

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار