كەزدەسۋدە تاراپتار رەسەي پارلامەنتى جوعارعى پالاتاسىنىڭ سپيكەرى ۆالەنتينا ماتۆيەنكونىڭ بيىلعى ماۋسىمدا قازاقستان رەسپۋبليكاسىنا رەسمي ساپارى كەزىندە كەلىسىلگەن ۋاعدالاستىقتاردى ىسكە اسىرۋ بارىسىن تالقىلادى. بۇل تۋرالى سەناتتىڭ ءباسپاسوز قىزمەتى حابارلادى.
وتكەن كەلىسسوزدەردىڭ قورىتىندىسى بويىنشا قر پارلامەنتى سەناتى مەن رف فەدەراتسيا كەڭەسى اراسىنداعى ىنتىماقتاستىق جونىندەگى كوميسسياسىنىڭ بۇرىن بولعان وتىرىستارىنىڭ حاتتاماسىنا قول قويىلدى.
مەملەكەتتىك دۋما سايلاۋىنا تمد پاا حالىقارالىق بايقاۋشىلارىنىڭ ۇيلەستىرۋشىسى رەتىندە ماسكەۋدە جۇرگەن سەنات توراعاسىنىڭ ورىنباسارى سايلاۋ الدى ءىس-شارالار اياسىندا مەملەكەتتىك دۋمانىڭ ۆيتسە-سپيكەرى پەتر تولستويمەن جانە رەسەي پارلامەنتىنىڭ تومەنگى پالاتاسىنداعى «ەدينايا روسسيا», «كپرف», «لدپر», «سپراۆەدليۆايا روسسيا - پاتريوتى - زا پراۆدۋ» ساياسي پارتيالارىنىڭ جەتەكشىلەرىمەن بىرقاتار كەزدەسۋ وتكىزدى.
